100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Гербер шулдыръяськонлэсь тодметпуссэ кылдытонъя вожвылъяськонлы йылпумъянъёс лэсьтӥзы Удмуртиын

  • 354
  • 0
Ижкар / Удмуртия
Гербер шулдыръяськонлэсь тодметпуссэ кылдытонъя вожвылъяськонлы йылпумъянъёс лэсьтӥзы Удмуртиын
Туспуктэм: vk.com (Иван Кабышев)

Удмуртиын улосвылкуспо удмурт йӧскалык Гербер шулдыръяськонлэсь тодметпуссэ кылдытонъя вожвылъяськонлы йылпумъянъёс лэсьтӥзы. Кызьы вераз ивортодэтъя «Удмуртия» агентстволы Калыкъёслэн эшъяськон юртсылэн кивалтӥсезлэн воштӥсез Татьяна Фёдорова, оглом 11 куриськонъёс вуизы.

11 куриськонъёс вал, но котькуд куриськонын быдэн кык-куинь вариант
Татьяна Фёдорова, Удмуртиысь Калыкъёслэн эшъяськон юртсылэн кивалтӥсезлэн воштӥсез

Вожвылъяськонэ кызьы ӧнерлыко дизайнеръёс, озьы ик та удысэн тунсыкъяськисьёс пыриськыны быгатӥзы. Вожвылъяськонлэн ӧриез, кытчы Удмуртиысь йӧскалык политикая министерстволэн, Калыкъёслэн эшъяськон юртсылэн, «Удмурт Кенеш» огазеяськонлэн ыстэм муртъёссы но ӧнерлыко суредасьёс пыризы, NAMERO дизайн-студилэсь ӵектэм ужзэ бырйизы.

Татьяна Фёдоровалэн верамезъя, со огшоры но туж валамон, туж туала, егитъёслы но, арлыдоослы но валамон.

Быръем тодметпусэз туэ гужем Вавож ёросын ортчоно Гербер шулдыръяськонысь адӟыны луоз ни. Озьы ик со праздниклэн ялан кутӥськись логотипез луыны быгатоз.

Со бордын ужаны кулэ на, вань пичияк ӵектонъёс, соку со пыраклы кылёз. Вожвылъяськонмылэн ужпумез – кылдытыны тодметпус, кудӥз Герберъёсын ялан кутӥськоз
Татьяна Фёдорова, Удмуртиысь Кадыкъёслэн эшъяськон юртсылэн кивалтӥсезлэн воштӥсез

NAMERO дизайн-студилэн кивалтӥсез Иван Кабышев верамъя, соос туала графика пыр удмурт калыклэсь узыр лулчеберетсэ, кырӟась луэмзэ возьматыны тыршизы.

Ми зол-зол шумпотӥськом. Со бадӟым вормон милемлы, малы ке шуоно азьвыл ик потэ вал ини асьме удмурт праздниклы знак лэсьтыны. Арысь аре со малпан йырамы берга вал. Соин, куке конкурсэз ялӥзы, ми соку ик умой но капчи мылкыдын кутским. Ужакумы малпанъёсмы пӧзизы, сюлэмъёсмы йыг-йыг йыгаськизы
Иван Кабышев, NAMERO дизайн-студилэн кивалтӥсез

Тодэ вайытом, таяз арын элькун Гербер Вавож ёросын ортчоз. Туэ шулдыръяськонэз Удмуртилэн кунлыкезлы 100 ар тырмонлы сӥзёзы но выль сяменгес радъялозы.  



Наверх
Вниз