100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Тудву дыръя шимучыръёсты алон вылысь шуръёсысь йӧэз пуштытъяны кутскизы Удмуртиын

  • 398
  • 0
Ижкар / Удмуртия
Тудву дыръя шимучыръёсты алон вылысь шуръёсысь йӧэз пуштытъяны кутскизы Удмуртиын
Туспуктэм: Григорий Фомин

Удмуртиысь Поисково-спасательной ёзэсысь ӧнерчиос шуръёсысь йӧэз пуштытъяны кутскизы. Тулыс тудву кошкон дыръя шимучыръёсты алон вылысь сыӵе уж арлы быдэ радъяське, ивортэмын ёзэлэн «Инстаграмысь» бамаз.

17-тӥ южтолэзьлы пуштытъян ужъёсты Сюмси ёросысь Калмез но Вало шуръёс вожын, Кильмезь черкогуртын Калмез шурын ортчытӥзы ни.

Матысь нуналъёсы Глаз ёросысь Туктым (Омутница) гурт вӧзын Чупчи шур вылын, Кез ёросысь Пызем но Лып шуръёс вылын ортчытыны чакламын.

Удмуртиысь шуръёсысь йӧэз пильылон понна пуштытъян ужъёсты ортчытон дыръя эн куалектэ, ужъёсты нуонлы матын пуштэм куара шуккиськоз, нош пуштылон интыосын бадӟым йӧ тӥялтэтъёс кылдозы но ву потоз
Удмуртиысь Поисково-спасательной ёзэс

Пуштытъянъёс дыръя но со бере йӧ вылтӥ ветлыны уг яра.


Ватсалом, кылем арын Вавож, Балезино, Глаз, Сюмси, Кез ёросъёсысь шуръёс вылын йӧэз пуштытъязы.

Тодэ вайытом, туэ Удмуртиын тулыс ву кошкон оштолэзьлэн нырысетӥ декадаяз - кыкетӥез кутсконын ӧдъялоз, шуръёслэсь усьтӥськемзэс 1-тӥ оштолэзьысен возьмало. 



Наверх
Вниз