Ижкар+27 °C
12 -тӥ пӧсьтолэзь 2020 Воскресенье
16+

Бадӟым удмурт диктантэз ортчытон дыр уз воштӥськы

  • 792
  • 0
Ижкар / Удмуртия
Бадӟым удмурт диктантэз ортчытон дыр уз воштӥськы
Туспуктэм: Майя Бывальцева

Бадӟым удмурт диктантэз ортчытон нуналэз коронавирусъя югдур сэрен уз воштэ, со азьвыл чакламъя ик 4-тӥ оштолэзе луоз. Со сярысь ивортодэтъя «Удмуртия» агентстволы ужрадэз радъясьёс веразы.

Ижкарысь дыръя 13 часын диктантэз «Мынам Удмуртие» радиоын но телеканалын лыдӟозы. Нош усьтӥськозы-а нимысьтыз площадкаос, али тодмо ӧвӧл на. Со пумысен пумкылъян элькунысь йӧскалык политикая министерство кутыны кулэ.

Таяз арын ужрад Удмуртилэн кунлыкезлы 100 ар тырмонлы сӥземын луоз. Текстэз Вячеслав Ар-Серги гожтоз

Тодэ вайытом, диктант гожтэм сяна, вань мылкыд карисьёс удмурт кылэн герӟаськем юанъёслы онлайн амалэн валэктон сётыны быгатозы. Юанъёс ӟуч но удмурт кылын луозы. Соосты нимысьтыз «Бадӟым удмурт диктантлы» кылдытэм вотэсбамысь шедьтыны луоз.

Ужрадлы йылпумъянъёсты, озьы ик текстэз но ӵем пумиськылӥсь янгышъёсты эскеронъёсты «ВКонтатке» мерлыко вотэсысь «Бадӟым удмурт диктант» огинын 30-тӥ оштолэзёзь шараялозы.

Пусъём, коноравирусъя секыт югдур сэрен ӟуч кылын шонер гожъяськыны быгатэмез эскеронъя «Тотальный диктант» ужрадэз сӥзьыллы выжтӥзы. Со дыре ик диктантлы дасяськон ужрадъёс азьвыл чаклам радлыкъя ортчозы



Наверх
Вниз