100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Нылпиослы дунтэк эмъюмъёс сётон сярысь катӵектосэз умоен лыдъяз Удмуртиысь кивалтэт

  • 262
  • 0
Ижкар / Удмуртия
Нылпиослы дунтэк эмъюмъёс сётон сярысь катӵектосэз умоен лыдъяз Удмуртиысь кивалтэт
Туспуктэм: Григорий Фомин

Удмуртиысь кивалтэтлэн кенешоназ «Об адресной социальной защите населения в Удмуртской Республике» катлэсь ӵектоссэ умоен лыдъязы. Соя нылпиос эмчиослэн рецептъёссыя эмъюмъёсты дунтэк басьтыны быгатозы, ивортэ элькунысь тӧролэн но кивалтэтлэн пресс-службазы.

Вераськон 3 аресысен 6 но ӝыны аресозь пиналъёс сярысь мынэ, семьяын котькуд адямилы табыш толэзьлы тырмымон шуыса юнматэм коньдонлэсь (прожиточной минимум) трос уг луы ке

Удмуртиысь тазалыкез утёнъя министр Георгий Щербак катӵектос дунтэк эмъюм басьтыны быгатӥсь нылпиослэсь категоризэс паськытатэ шуыса пусйиз.

Катлэсь ӵектоссэ быдэстон понна 2020-тӥ арын Удмуртилэн коньдэтысьтыз 13 миллион 600 сюрс манет висъяны чакламын
Георгий Щербак, Удмуртиысь тазалыкез утёнъя министр

Удмуртиысь кивалтэтлэн тӧроез Ярослав Семёнов эмъюмъёсты дыраз вуттонлы саклык висъяны куриз. 

Мерлыко юрттэт басьтӥсьёслэсь лыдзэс будэтӥськом бере, нимысьтыз саклык висъяно эмъюм вуттонлы. Нокыӵе ӝеганъёс, кудъёсыз сярысь кылем ар пумын докладаз Удмуртилэн тӧроез вераз вал, медаз луэ
Ярослав Семёнов, Удмуртиысь кивалтэтлэн тӧроез

Тодэ вайытом, Удмуртилэн тӧроез Александр Бречалов элькунын ужъюгдур сярысь докладаз вераз вал, анай-атайёс нылпиоссылы дунтэк эмъюмъёс басьтыны быгатымтэзылы ӝожтӥсько шуыса. 2020-тӥ арын льготникъёслы дунтэк эмъюмъёс сётон понна улосвылын 1 миллиард манет висъялозы. Азьвыл арен ӵошатыса, коньдонлэсь быдӟалазэ 300 миллион манетлы будэтӥзы.

Ватсалом, выль кат Удмуртиысь Кун Кенешын эскерем но улосвыл тӧро кинюртэм бере кужымаз пыроз. 

Пусъём, али ужась федерал катрадлыкъя амбулаторной эмъяськон дыръя эмчиослэн рецептсыя дунтэк эмъюм басьтыны быгатӥсьёс пӧлы куинь аресозь пиналъёс но трос нылпиё семьяосысь 6 аресозь нылпиос пыро.  



Наверх
Вниз