100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Лымшор удмуртъёслэн туспуктэмзы «Анай но нылпиос йӧскалык дӥськутэн» вожвылъяськонын 10 устоосыз пӧлы шедиз

  • 249
  • 0
Москва / Россия
Лымшор удмуртъёслэн туспуктэмзы «Анай но нылпиос йӧскалык дӥськутэн» вожвылъяськонын 10 устоосыз пӧлы шедиз
Туспуктэм: www.ethno-photo.com

Ижкарысь Тамара Дмитриевалэн «Лымшор удмуртъёслэн костюмзы» ужез туспуктэмъёсъя «Анай но нылпиос Россиысь калыкъёслэн йӧскалык дӥськутъёсынызы» («Мама и дети в национальных костюмах народов России») огъяроссии вожвылъяськонын вормисьёс пӧлы шедиз. Со сярысь Удмуртиысь йӧскалык политикая министерстволэн пресс-службаез ивортэ.

Тамара Дмитриева вожвылъяськонэ Пичи Пурга ёросысь Вуж Мӧнья гуртысь Харлампьевъёслэн семьязылэсь удмурт дӥськутъёсын туспуктэмъёссэ келяз

Вожвылъяськонэ Россиысь 85 улосвылъёсысь 3 сюрс 500 ужъёс вуизы. Соос пӧлысь 2 сюрс 200-зэ конкурсэ басьтӥзы. 

Устооссэ 10 ужъёсты Москваысь Конгресс Холлын адӟытонэ поттӥзы. Вормисьёс пӧлы Кабардино-Балкариысь, Санкт-Петербургысь, Камчатка шаерысь, Башкириысь, Дагестанысь, Москваысь, Якутиысь, Краснодарысь, Хакасиысь но Удмуртиысь ужъёс пыризы.  Тспуктӥсьёсты дипломъёсын но кубокъёсын данъязы.

Пусъём, вожвылъяськон грантъёсъя огъяросси конкурсын «Патриотическое воспитание – сохранение традиционной культуры и ремесел народов страны» номинациын вормисе потӥз. Ӵектос Россиысь калыкъёслэсь аспӧртэмлыксэс йӧскалык дӥсь пыр возьматон понна малпамын вал

Тодэ вайытом, та дыре Удмуртиын улӥсьёс туспуктэмъёсъя «Дети России-2020» вожвылъяськонэ пыриськыны быгато. Отын 14 аресозь нылпиос Россиын улӥсь калыкъёслэн дӥськутэнызы возьматэмын луыны кулэ. 



Наверх
Вниз