100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Ожысь гожтэтъёсты, кылбуръёсты удмурт кылын лыдӟыны ӵекто «Наследие Победы» вотэс-акциез радъясьёс

  • 236
  • 0
Ижкар / Удмуртия
Ожысь гожтэтъёсты, кылбуръёсты удмурт кылын лыдӟыны ӵекто «Наследие Победы» вотэс-акциез радъясьёс
Туспуктэм: Алексей Бакулев

Удмуртиын улӥсьёс Быдӟым Атыкай ожын Вормонлы 75 ар тырмонлы сӥзем «Наследие Победы» огъяросси интернет-акцие пыриськыны быгато. Со сярысь Россиысь калыкъёслэн лулчеберетъя центрзылэн пресс-службаез ивортэ.

Акцие пыриськон понна ож вакытысь гожтэтъёсты, оже пыриськемъёслэсь, ож мышкын тыршемъёслэсь тодэ ваёнъёссэс, озьы ик кылбуръёсты, прозаысь, эссеосысь, сочинениосысь люкетъёсты Россиысь калыкъёслэн кылъёсынызы видеокамера азьын лыдӟоно но ужъёсты 30-тӥ куратолэзёзь мерлыко вотэсъёсы поттоно.

Видеорликъёс ӟечлыко луыны кулэ, йӧскалык кылъёсын гожтэм ужъёслы ӟуч кылын субтитръёс лэсьтоно. Ужъёсты #наследиепобеды #многонациональнаяпобеда хештегъёсын пусъёно. Озьы ик пыриськисьёслы акци мынон вакытэ мерлыко вотэсъёсысь бамъёссэс усьтоно. Ужъёсты ӟуч но йӧскалык кылъёсын куто.

Ужрадэ пӧртэм аресъем адямиос пыриськыны быгато

Акцилы йылпумъянъёсъя устоосыз ужъёс фильме пырозы, сое Калык творчествоя В. Д. Поленов нимо кун росси юртлэн YouTube каналаз поттозы.  Озьы ик Россиысь калыкъёслэн лулчеберетъя центрзылэн Таукарон гожтэтъёсыныз пусъёзы.

Пусъём, акция тодэ ваёнъёсты утён, патриот мылкыдэз пыӵатон, историез, лулчеберетэз, Россиысь калыкъёслэсь сямъёссэс, Атыкай музъеммылэсь геройёссэ гажан, будӥсь пиналъёслэсь улон шоры учконзэс азинтон, ветеранъёс понна сюлмаськон понна ортчытӥське.

Акцилэн куронъёсыныз пыр-почгес чӧлсконпусъя потыса тодматскыны луэ. 

Тодэ вайытом, Удмуртиын Быдӟым Атыкай ожын Вормонлы 75 ар тырмонлы сӥзем нылпи суредъёсъя «Мон Вормонэз суредасько» («Я рисую Победу») вожвылъяськон мынэ.



Наверх
Вниз