100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Коронаврус инфекци ужпумъёсъя колл-центр усьтӥзы Удмуртиын

  • 652
  • 0
Ижкар / Удмуртия
Коронаврус инфекци ужпумъёсъя колл-центр усьтӥзы Удмуртиын
Туспуктэм: Удмуртиысь тӧролэн но кивалтэтлэн пресс-службазы

26-тӥ южтолэзе Удмуртиын коронавриус инфекциен герӟаськем ужпумъёсъя колл-центр ужаны кутскиз. Со сярысь улосвыл тӧролэн но кивалтэтлэн пресс-службазы ивортэ.

Удмуртиысь кивалтэтлэн тӧроез Ярослав Семёнов выль колл-центрлэн элькунысь информатизацияя но герӟетъя министерствоен кылдытэм техника ласянь луонлыкъёсыныз тодматскиз но отын ужась волонтёръёсын – Ижысь эм академиын бадӟым курсъёсын дышетскисьёсын – вераськиз.

Коронавирусъя колл-центр усьтон – со калыклэсь туннэ кулэяськонзэ быдэстон ужрад. Минздравлэн но Роспотребнадзорлэн «ӟырдыт линиосазы» туж трос юанъёс вуо, кылсярысь, кызьы астэ возёно дорад ворсаськем дыръя, кыӵе нырысетӥ тодметъёсыз висёнлэн. Нырысь ик, колл-центр со телефонъёсты капчиятоз. Кыкетӥез, туж кулэ волонтёръёсты-эмчиосты кыскыны. Соос тодо, кызьы адямиос вераськыны, пӧртэм висёнъёсъя но тодметъёссыя валэктонъёс сётыны. Нош студентъёс понна со калыкен ужанъя зэмос практика
Ярослав Семёнов, Удмуртиысь кивалтэтлэн тӧроез

Коронавирусъя колл-центрлэн жингыртӥсьёсты Удмуртиысь тазалыкез утёнъя министерствоен, страховой компаниосын герӟаны, сиён-юонъёсын, нуналмысь кулэ луись арбериосын юрттыны быгатӥсь волонтёръёсын герӟаны луонлыкез вань.

Верамез кылзӥськыны гинэ тырмыт ӧвӧл, адямилэсь кытын улэмзэ, кыӵе кунысь вуэмзэ пусйыны кулэ. Со висёнлэсь тодметъёссэ, адямилэсь асшӧдонзэ чаклан но дораз пукемзэ эскерон понна кулэ
Ярослав Семёнов, Удмуртиысь кивалтэтлэн тӧроез

Та дыре колл-центрын 10 операторъёс ужало. Али вань жингыртонъёсты кутыны быгато, нош ӧз ке вуттэ, ватсаса ужан интыос радъяны луонлык вань.

Со сяна, «112» номере жингыртыны луэ, ӝог юрттэт сётӥсь ёзэсысь оператор коронавирусъя «ӟырдыт линиен» герӟалоз.

Трос каналъем номер уен-нуналэн ужалоз. Солэсь ужзэ йылпумъян пусйымтэ, со нуналмысь югдурлэсь потоз.

Трос каналъем «ӟырдыт линия»: 8 (800) 100-24-47

Удмуртиысь тазалыкез утёнъя министерство: 8 (3412) 57-01-89

Роспотребнадзорлэн элькунъя управлениез: 8-800-555-49-43

Тодэ вайытом, коронавирусэн черлан выль учыръёс Удмуртиын шараямтэ.



Наверх
Вниз