Ижкар+24 °C
15 -тӥ пӧсьтолэзь 2020 Вирнунал
16+

Удмуртиысь калыкъёс анай кылынызы карантин сярысь кырӟазы

  • 318
  • 0
Ижкар / Удмуртия
Удмуртиысь калыкъёс анай кылынызы карантин сярысь кырӟазы
Туспуктэм: скриншот видео

Удмуртиысь лулчеберетъя йӧскалык огазеяськонъёслэн ёзчиоссы коронавирус сярысь кырӟанэз анай кылъёсынызы быдэстӥзы, озьы соос #пересидимкарантин флешмобе пыриськизы. Со сярысь улосвылысь Калыкъёслэн эшъяськон юртсылэн пресс-службаез ивортэ.

Элькунамы вордӥськем но али Москваын улӥсь кырӟась но крезьгурась Марк Юсим кылбурчиен Вениамин Борисовен карантинлы сӥзем «Сиди дома:» кырӟан гожтӥз но аспӧртэм флешмоб ялӥз

Палэнэ ӧз кыле Удмуртиысь Калыкъёслэн эшъяськон юртазы ужасьёс но йӧскалык огазеяськонъёслэн егит азьветлӥсьёссы но.  Соос пӧртэм кылъёсын асьсэ карантинзы сярысь веразы но дорысенызы кырӟаса видео гожтӥзы. 

Флешмобе ужъюртысь методист, удмурт кылбурчи но кырӟась Богдан Анфиногенов, Россиысь немец егитъёслэн «Югендхайм» огазеяськонзылэн азьветлӥсез Мария Аркалова, Удмуртиысь пор егитъёслэн «Ӱжара» огазеяськонзылэн ёзчиосыз Светлана Бугаёва но Ольга Хайретдинова, элькунысьтымы бигер егитъёслэн «Иман» огазеяськонзылэн азьветлӥсез Диляра Гильмутдинова, азербайджанъёслэн «Достлуг» мер центрзылэн азьветлӥсез Вургун Нуруллаев но армянъёслэн «Урарту» мер огазеяськонзылэн азьветлӥсез Сандухт Зиновьева пыриськизы.

Кырӟанъя йӧслыккуспо флешмоб


Тодэ вайытом, Удмуртиын «Чеберай» вожвылъяськонлэн полуфиналаз потэм нылкышноос понна куара сётон кутскиз



Наверх
Вниз