Ижкар+24 °C
15 -тӥ пӧсьтолэзь 2020 Вирнунал
16+

Удмуртиысь «шундыос» астэ ачид нимаз висъян сярысь тодмо кырӟанэз удмурт кылын быдэстӥзы

  • 529
  • 0
Ижкар / Удмуртия
Удмуртиысь «шундыос» астэ ачид нимаз висъян сярысь тодмо кырӟанэз удмурт кылын быдэстӥзы
Туспуктэм: видеоысь скриншот

Удмурт егитъёслэн «Шунды» мер огазеяськонысьтызы азьветлӥсьёс «Вечерний Ургант» программа понна гожтэм астэ ачид нимаз висъян сярысь кырӟанэз удмурт кылын кырӟазы но клип лэсьтӥзы. Со сярысь огазеяськонлэн пресс-службаез ивортэ.

Телепрограммалы Александр Гудковен но Россиысь тодмо артистъёсын гожтэм клипъя удмурт егитъёс ас версизэс лэсьтӥзы: кин ке гужем лагерьёслэсь, огазеяськонлэн ӵектосъёсызлэсь мӧзмемзэ возьматӥз, кин ке вордӥськем нуналзэ одӥгназ пумитаз, кин ке тунсыкъёссэ кылдэм югдуръя тупатӥз.

Кырӟанлэсь кылъёссэ Анастасия Фомина гожтӥз, нош быдэстӥз «bobolenin» удмурт рок-группалэн азьветлӥсез Кирилл Кириллов. 

«Самоизоляция» кырӟан удмурт кылын


Тодэ вайытом, кемалась ӧвӧл  Удмуртиысь Калыкъёслэн эшъяськон юртысьтызы ӧнерчиос но лулчеберетъя йӧскалык огазеяськонъёслэн ёзчиоссы карантин сярысь анай кылъёсынызы кырӟазы, нош тодмо удмурт кырӟасьёс котькудӥз ас дорысеныз «Удмурт Кенеш» огазеяськонлэсь гимнзэ быдэстӥзы. Мар эшшо каро Удмуртиын улӥсьёс астэ ачид нимаз висъян вакытэ, лыдӟе милям ивортонысьтымы. 



Наверх
Вниз