Ижкар+35 °C
15 -тӥ пӧсьтолэзь 2020 Вирнунал
16+

Удмурт кылэ берыктэм «День Победы» кырӟанлы 35 ар тырмиз

  • 481
  • 0
Ижкар / Удмуртия
Удмурт кылэ берыктэм «День Победы» кырӟанлы 35 ар тырмиз
Туспуктэм: Руслан Нуриахметов

9-тӥ Майлэсь тодмет-кырӟанзэ удмурт кылэ берыктэм дырысен туэ 35 ар тырмиз. Со сярысь улосвыл тӧролэн но кивалтэтлэн пресс-службазы ивортэ.

Удмуртиысь дано журналист, элькунысь Гожъяськисьёслэн огазеяськонзылэн тӧроез Пётр Захаров кырӟанэз берыктон борды армиын службазэ нуэмез бере 1985-тӥ басьтӥськиз. Вормон Нуналлы сӥзем концертлы шуыса кылъёсты туж ӝог гожтӥз, но берло текст ышиз. Пӧртэм мугъёсъя выльысь берыктыны ӧз пӧрмы, улӟытыны 90-тӥ аръёсы гинэ быгатӥз.

Вормон праздник мон понна святой луэ, соин ик, вылды, «День Победы» кырӟан мынам одӥгез яратоно кырӟанэ. Кырӟанэз берыктон понна крезьгурез валаны кулэ. Умой, куке берыктӥсь кырӟаны быгатэ. Кытын ке кулэ кыл пыртыны дӥсьтон кулэ, ударениез но медаз ышы, пуштросэз мед кылёз. Таӵе кырӟанъёслэн туж мур пуштроссы, со котькуд чурен юнгес луэ
Пётр Захаров, «День Победы» кырӟанэз берыктӥсь

«Наш День Победы» акцилы дасяськон улсын Удмуртиысь академ хор капелла берыктэмез композицилэн крезьгурезъя тупатӥз. Ужлэн соавторъёсыз – элькун филармониысь артист Константин Корепанов но «Шулдыр ӝыт» ансамбльлэн валтӥсь администраторез Михаил Михайлов. Хор капелла «День Победы» кырӟанэз ӟуч но удмурт кылъёсын быдэстӥз.

Удмуртия «Наш День Победы» ужрад борды итӥськиз


Ватсалом, крезьгуро марафон улсын «День Победы» кырӟан уч но Приволжьеысь калыкъёслэн сизьым кылъёсынызы чузъяськоз. Улосвылъёс эстафетаез ог-огзылы сёто. Радъясьёслэн - Росси азьмуртлэн Приволжск федерал округлэн ужоскето муртэзлэн аппаратэз, малпамзыя, «Наш День Победы» марафон бадӟым кунлэсь Вормон понна огазеяськемзэ возьматэ.

Приволжьеысь улосвылъёсын лэсьтэм видеороликъёсты округысь телеканалъёсын возьмато но радиоын лэзё. Озьы ик соосты ютюб-каналъёсысь но мерлыко вотэсъёсысь #песнипобедыПФО, #нашденьпобеды хештэгъёсъя шедьтыны луоз. 

Удмуртиысь пиналъёсты Быдӟым тыложын Вормонлэсь тодметъёссэ суреданы ӧтё но уч но анай кылъёсын ӟечкылан открыткаос лэсьтыны ӵекто. 



Наверх
Вниз