Ижкар+12 °C
12 -тӥ гудырикошкон 2020 Вирнунал
16+

Эм маскаос сётъялозы волонтёръёс 16-тӥ но 18-тӥ куартолэзе Ижкарысь дугдылонниосын

  • 342
  • 0
Ижкар / Удмуртия
Эм маскаос сётъялозы волонтёръёс 16-тӥ но 18-тӥ куартолэзе Ижкарысь дугдылонниосын
Туспуктэм: Руслан Нуриахметов

16-тӥ но 18-тӥ куартолэзе волонтёръёс Ижкарысь дугдылонниосын эм маскаос сётъялозы. Со сярысь элькун тӧролэн но кивалтэтлэн пресс-службазы ивортэ.

Ужрад «Носи маску правильно!» акци улсын ортчоз. Эм маскаосты одно нуллыны кулэлык сярысь тодэ вайытон вылысь ужрад вань муниципал кылдытэтъёсын радъяське

Туж умой, адямиослы астэ утён куронъёсты быдэстон сярысь тодазы вайыто шуыса. Тросэз маскаос нулло, но куронъёсты кылэм-адӟем карисьтэмъёс но пумиськыло. Оло, тодымтэенызы но… Нош татын ваньмыз валамон: егитъёс маска сётӥзы но кызьы сое нуллыны валэктӥзы. Та акци бере кӧняез ке адямиос асьсэлэн но котырысьтызы адямиослэн тазалыксылы понна кылкутонзэс валалозы шуыса малпасько
Эльвира Луговая, Ижкарын улӥсь

16-тӥ куартолэзе 10 часысен 11 часозь волонтёръёс «Шор площадь», «Уйпал микрорайон» (Вотка шоссе пала мынон), «Октябрь» кинотеатр» (центр пала мынонын) дугдылонниосы но трамвайёслэн «Киров нимо парк» дугдылонниязы (центр пала мынонын) потозы.

18-тӥ куартолэзе дунтэк маскаос 7 час 30 минутысен 8 час 30 минутозь сётъялозы. Волонтёръёсты «Коммунаръёслэн ульчазы» (центр пала), «Госархив» («Нефтемаш» завод пала), «Селтинской ульча» (центр пала) дугдылонниосысь но «Татьяна Барамзина нимо ульча» трамвай дугдылонниысь (центр пала) пумитаны луоз.

Озьы ик волонтёръёс 14-тӥ куартолэзе но дугдылонниосы потазы ини. Куинь нунал ӵоже соос оглом 4 сюрс 500 эм маскаос сётъялозы.

Тодэ вайытом, нырысетӥез таӵе акци дыръя волонтёръёс 5 сюрс маскаос люкылӥзы



Наверх
Вниз