100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Удмуртилэн тӧроез Алина Загитоваез 18 арес тырмонэныз ӟечкылаз

  • 214
  • 0
Ижкар / Удмуртия
Удмуртилэн тӧроез Алина Загитоваез 18 арес тырмонэныз ӟечкылаз
Туспуктэм: vk.com (Александр Бречалов)

Удмуртилэн тӧроез Александр Бречалов фигурной нискыланъя олимпи чемпионкаез Алина Загитоваез 18 арес тырмонэныз ӟечкылаз. Со сярысь элькунлэн тӧроез «ВКонтакте» мерлыко вотэсысь бамаз ивортӥз.

Улосвыллэн кивалтӥсез спортсменкалы вордскем Ижкарезлы сӥзем кӧня ке книгаос кузьмаз.

Ӵошатсконъёсы нуллытэк но луоз, но бамъёссэ берыкъяны одно ик кулэ – вордскем интыос юртто. Азьпалан быдэс улон, нош спортсменкаез вуоно сезонлы Россилэн сборнояз пыртон сярысь ивор – 18 арес тырмонлы тужу сто кузьым!
Александр Бречалов, Удмуртилэн тӧроез

Азьвылгес олимпи чемпионкалэн атаез Ильназ Загитов ивортодэтъя «Удмуртия» агентстволы вераз, нылзылэсь быдэ вуонзэ семьяязы пусъёзы шуыса. 

Тодэ вайытом, 2018-тӥ арын 23-тӥ тулыспалэ Пхёнчханын Олимпи шудонъёсын нылъёслэн фигурной нискыланъя ӵошатсконъёсазы Удмуртиысь 15 аресъем Алина Загитова зарни медаль утӥз. Солэсь азьвыл командаосын вожвылъяськонын азвесь медаль басьтӥз. Озьы ик солэн шыкысаз дуннелэн но Европалэн чемпионатъёссылэн, Гран-прилэн финалъёсызлэн зарни медальёсыз. Кылем арын 13-тӥ толсуре спортын вис каремез сярысь ялӥз. 



Наверх
Вниз