100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Удмуртиысь 300 сюрслэсь трос пиналъёс Росси азьмуртэн ялэм тыронъёсты басьтозы

  • 257
  • 0
Ижкар / Удмуртия
Удмуртиысь 300 сюрслэсь трос пиналъёс Росси азьмуртэн ялэм тыронъёсты басьтозы
Туспуктэм: Алексей Арзамасцев

Росси азьмуртэн Владимир Путинэн ялэм тыронъёсты Удмуртиын 300 сюрслэсь трос пиналъёс басьтозы. Со сярысь улосвыл тӧролэн но кивалтэтлэн пресс-службазы ивортэ.

Кун юрттэт сётыны Удмуртилы 3 миллиард 200 миллион манет висъязы

Анай капиталлы эрикрадэн куинь аресозь пиналъёсын семьяос элькунын 1-тӥ оштолэзьлы 24 сюрс пала лыдъясько вал. Оштолэзь но куартолэзь ӵоже Пенси фонд 250 миллион манетлэсь трос тыриз ни. Инвожое таӵе семьяослы эшшо 135 миллион манет сётозы.

11-тӥ куартолэзе Россилэн азьмуртэз выль юрттэт сярысь вераз. Табере 5 сюрс манет тыронъёсты куинь аресозь нылпиосын вань семьяос басьтыны быгато. Соослы коньдонэз озьы ик оштолэзь, куартолэзь но инвожо понна сётозы. Удмуртиын сое 11 сюрслэсь трос пиналъёс басьтозы.

3-15 аресъем пиналъёслы 10 сюрс манетэн юрттэтэз инвожое сётъяны кутскозы. Удмуртиын 268 сюрс мында сыӵе пиналъёс. Семьяос куриськонэз 1-тӥ коньывуонозь сётыны быгато.

Косэт туэ 11-тӥ куартолэзьысен 30-тӥ инвожоозь ужа. Озьыен, нылпилы та дыр куспын 16 арес тырме ке, со 10 сюрс манет басьтыны быгатэ. Но нылпилы 16 арес 11-тӥ куартолэзьлэсь азьвыл яке 30-тӥ инвожо бере тырмиз ке, солэн сыӵе эрикрадэз ӧвӧл. Озьы ик пусйыны кулэ, та тыронъёсты Россиын ялан улӥсь Россилэн кунмуртъёсызлы, кудъёсызлэн анай-атай луыны эрикрадзы таламын ӧвӧл, сёто
Алексей Бельтюков, Россиысь Пенси фондлэн Удмуртиысь ёзэтэзлэн кивалтӥсез

Удмуртилэн тӧроез Александр Бречалов 18-тӥ куартолэзе ортчем аппарат кенешонын кивалтэтлэсь ёзчиоссэ, каръёслэсь но ёросъёслэсь тӧрооссэс кун юрттэтэз сётонэн герӟаськем дырез но вань ужпумъёсты туж сак чакланы куриз.

Ватсаса юрттэт сётон амалъёс трос. Ваньмыз со тыронъёс пусъем дырен герӟамын. Россилэн азьмуртэныз Владимир Путинэн верам юрттэтэн чаклам коньдонэз ми калыклы вуттыны кулэ. Соин ик та ужпумлы – нимысьтыз саклык
Александр Бречалов, Удмуртилэн тӧроез



Наверх
Вниз