100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

33 ӵектосъёс вормизы «Культурная мозаика малых городов и сёл» вожвылъяськонын Удмуртиын

  • 296
  • 0
Ижкар / Удмуртия
33 ӵектосъёс вормизы «Культурная мозаика малых городов и сёл» вожвылъяськонын Удмуртиын

Удмуртиын гуртъёсын но пичи каръёсын улӥсьёслэн кичӧлтонъёссылы юрттонъя «Культурная мозаика малых городов и сёл» улосвыл вожвылъяськон йылпумъяськиз. Вормисе 33 ӵектосъёс потӥзы. Со сярысь элькунысь лулчеберетъя министр Владимир Соловьёв «ВКонтакте» мерлыко вотэсысь бамаз ивортӥз.

Ми бырйимы со ӵектосъёсты, кудъёсыз нимаз интывылъёс понна но, быдэс элькун понна но пусйымон луо. Азьпалан – со ӵектосъёсты быдэстон. Оскисько, соос интывылъёсты шӧдскымон воштозы но отын улӥсьёслы мукет кичӧлтонъёссэс азинтыны мылкыд сётозы
Владимир Соловьёв, Удмуртиысь лулчеберетъя министр

Вормись ӵектосъёс пӧлын – робототехникая фестиваль, инклюзив мастерскойёс, семьяен удмурт кылэз дышетонъя программаос, интыысь интые ветлӥсь адӟытонъёс, калык инструментъёсын крезьгуро лабораториос, гурт кичӧлтонъёс понна ресурс центръёс кылдытон но музей ӵектосъёс.

Вожвылъяськонэ 25 гурт ёросъёсысь, Можгаысь но Камбаркаысь 306 куриськонъёс вуизы. Тужгес трос ӵектосъёс ыстӥзы Эгра ёросысь но Можга карысь. Вормисе потэм ӵектосъёсты быдэсъяны шорлыдын 250 сюрс манетэн сётозы. Проектъёсты 2020-тӥ арын куартолэзьысен 2021-тӥ арысь тулыспалозь улонэ пыӵатозы.

Коньдонэн юрттэт басьтэм сяна, вормисьёс мукет улосвылъёсысь лулчеберетъя центръёсын дышетскыны но стажировка ортчыны быгатозы. Очной амалэн куинь семинаръёс Ижкарын, Глаз ёросысь Адам гуртын но Пермьын ортчозы, вожвылъяськон пыр стажировкаос Вологда улосвылысь Тотьма карын но Самара улосвылысь Тольятти карын радъяськозы.

Тодэ вайытом, куриськонъёсты кутон 1-тӥ южтолэзьысен мынӥз.



Наверх
Вниз