100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Йӧскалык дӥськутэн нылпиосын туспуктэмъёсъя вожвылъяськонын куара сётон кутскиз

  • 248
  • 0
Ижкар / Удмуртия
Йӧскалык дӥськутэн нылпиосын туспуктэмъёсъя вожвылъяськонын куара сётон кутскиз
Туспуктэм: Никита Иванов

Калык кусыпъёсъя журналистикалэн гильдиезлэн «Национальный акцент» вотэсбамаз йӧскалык дӥськутэн нылпиосын туспуктэмъёсъя «Дети России – 2020» вожвылъяськонын куара сётон кутскиз.

Ӵектосэ Россиысь 30 пала выжы калыкъёс пыриськизы, соос пӧлын ӟучьёс, удмуртъёс, бесерманъёс, поръёс, бигеръёс, карелъёс, чувашъёс, якутъёс но мукетъёсыз. Оглом 135 адямилэсь 283 ужъёс вуизы. 

Кельшем туспуктэмъёс понна куара сётыны 31-тӥ куартолэзёзь луоз

1-тӥ инвожое кык вормисьёсты шараялозы: одӥгзэ соос пӧлысь ӧнерлыко дунъясьёс быръёзы, кыкетӥзэ – тужгес трос куара люкамъя.

Вожвылъяськон 2014-тӥ арысен радъяське. Солэн ужпумез – йӧскалык дӥськут пыр Россиын улӥсь калыкъёслэсь лулчеберетсылэсь чеберлыксэ но пӧртэмлыксэ возьматон, семьяын сяме пырем йӧскалык лулчеберетэз улӟытыны мылкыд сётон.

Тодэ вайытом, азьвылгес Ижкарысь Тамара Дмитриевалэн «Лымшор удмуртъёслэн костюмзы» ужез туспуктэмъёсъя «Анай но нылпиос Россиысь калыкъёслэн йӧскалык дӥськутъёсынызы» («Мама и дети в национальных костюмах народов России») огъяроссии вожвылъяськонын вормисьёс пӧлы шедиз



Наверх
Вниз