100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Финн-угор калыкъёслэсь дунневыл конгрессэс 2021-тӥ арлы выжтӥзы

  • 244
  • 0
Тарту / Эстония
Финн-угор калыкъёслэсь дунневыл конгрессэс 2021-тӥ арлы выжтӥзы
Туспуктэм: finnougoria.ru

Финн-угор калыкъёслэн VII дунневыл конгрессылэн выль ортчон дырыз тодмо луиз. Финн-угор калыкъёслэн консультативной комитетсылэн пукылъянэзъя бадӟым ужрад 2021-тӥ арын 16-18 инвожое ортчоз. Со сярысь, «Учреждение Фенно-Угриа» огазеяськон вылэ чӧлскыса, ивортодэтъя «Финноугрия» центр ивортӥз. 

Конгресс туэ 17-19 инвожое Тартуын ортчыны кулэ вал, но коронавирус инфекци вӧлмонэн сэрен дырзэ выжтӥзы. Интыез азьвыл чакламез ик кылиз – Эстониысь йӧскалык музей. Озьы ик ужрадлэн ялэм темаез но ӧз воштӥськы – «Культурная среда – самосознание и язык».

Финн-угор калыкъёслэн конгрессазы 23 ӵыжы-выжы калыкъёслэсь ыстэм муртъёссэс возьмало. Ужрадэ 500-лэсь трос адями пыриськоз, со пӧлын 215 делегатъёс но чакласьёс, куноос но журналистъёс. Дунневыл конгрессэз усьтонэ Финляндилэн, Венгрилэн, Россилэн но Эстонилэн азьмуртъёссы ӧтемын. 

Тодэ вайытом, Удмуртиын сяме пырем Гербер шулдыръяськонэз гудырикошконлы выжтӥзы, сое выль емышъёсты данъянлы сӥзёзы.  



Наверх
Вниз