100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Нылпиен пукись 370 анайёс йӧскалык ӵектос улсын дышетско Удмуртиын

  • 233
  • 0
Ижкар / Удмуртия
Нылпиен пукись 370 анайёс йӧскалык ӵектос улсын дышетско Удмуртиын
Туспуктэм: Руслан Нуриахметов

Удмуртиын куинь аресозь пукись 370 анайёс Росси азьмуртэн Владимир Путинэн кичӧлтэм «Демография» йӧскалык ӵектос улсын дышетскыны шуыса калыкез уже интыянъя центръёсын тупанкылъёс гожтӥзы ни. Али дышетон дистанционной амалэн радъяське. Со сярысь элькун тӧролэн но кивалтэтлэн пресс-службазы ивортэ.

Нылпиен пукись анайёсты дышетыны 2020-тӥ арын 28 миллион манетлэсь трос коньдон висъязы. Со пӧлысь 97 процентсэ – федерал коньдэтысь, 3 процентсэ – Удмуртилэн коньдэтысьтыз. Со чотын ӧжытсэ 485 нылкышноос выль ӧнерлы дышетскозы но тодон-валанъёссэс будэтозы.

«Демография» йӧскалык ӵектослы луыса элькунын ужаны потыны мылкыд карись егит анайёслы вань луонлыкъёс кылдытэмын. Нылпи садъёс но школаос пуко, анайёс туала улонын кулэ луись ӧнер басьто.

«Демография» йӧскалык ӵектос огез тужгес бадӟымез луэ. Со улсын нылпиосын семьяослы, арлыдоослы юрттэт сётон, улон гумырез кузьгес карон но тросгес калыкез таза улонэ кыскон, спортэз вӧлмытон ужпумъёс сэрттэмын-пертчемын луозы. Нимысьтыз саклык пичи нылпиосын нылкышноослэсь уже интыяськонъя шугъяськонъёссэс палэнтыны висъяськоз
Александр Бречалов, Удмуртилэн тӧроез

Нылкышноос архивариус, библиотекарь, бухгалтер, визьнодась, делопроизводитель, пудо вордӥсь, кадръёсъя инспектор, кладовщик, логопед, менеджер, висисьёсты учкись покчи эмсузэр, парикмахер, педагог-психолог, пӧраськись, визьнодасьлэн юрттӥсез, кадръёсъя ӧнерчи, гижыосты утялтӥсь, мерлыко ужась, вуриськись, экономист но мукет ӧнеръёслы дышетско.

Пусъём, 2019-тӥ арын тросэзлэн нылпиен пукись дышетскись нылкышноослэн ужан интызы вал. 200-лэсь трос анайёс уж доразы выль тодон-валанъёсын берытскизы. Нош 2020-тӥ арын нырысь ик дышетскыны лыктозы кышномуртъёс, кинлэн ужан интыез ӧвӧл, но соослэн ужамзы потэ.  

Тодэ вайытом, Удмуртиысь 300 сюрслэсь трос пиналъёс Росси азьмуртэн ялэм тыронъёсты басьтозы.



Наверх
Вниз