Ижкар+11 °C
1 -тӥ коньывуон 2020 Покчиарня
18+

Нылпиослы гужем лагерьёсты пӧсьтолэзьысен усьтыны малпало Удмуртиын

  • 459
  • 0
Ижкар / Удмуртия
Нылпиослы гужем лагерьёсты пӧсьтолэзьысен усьтыны малпало Удмуртиын

Удмуртиын нылпиослы карсьӧр но школа лагерьёсты инвожо пумын – пӧсьтолэзь кутсконын усьтыны малпало. Со сярысь 21-тӥ куартолэзе журналистъёслы элькунысь дышетонъя но тодосъя министр Светлана Болотникова вераз.

Гужем лагерьёсты инвожо пумынлэсь-пӧсьтолэзь кутсконлэсь вазь усьтыны ум малпаське. <…> Дасяськиськомы Роспотребнадзорлэн ӵектонъёсызъя ужаны. Со рециркуляторъёс, омырез тазатӥсь арбериос, дезрастворъёс, нимаз утиськон арбериос, термометръёс. Али карсьӧр лагерьёс санэпидстанцилэсь ужаны лэзён ужкагазъёс басьто, педагогъёс дышетонъёсты ортчо. Ваньмыз радызъя мынэ
Светлана Болотникова, Удмуртиысь дышетонъя но тодосъя министр

Озьы ик Роспотребнадзоролэн ӵектонъёсаз лагерьёсы мынӥсь вань пиналъёсты коронавируслы эскерыны куремын. Светлана Болотниковалэн верамезъя, сое дунтэк ортчыны луоз, дыр, угось анай-атайёслэн ватсаса дун тыремзы уз поты.

Министрлэн кылъёсызъя, сменаос вакчигес, 14 нуналэн, луыны быгатозы. Али со пумысен пумкылъянъёс ӧвӧл на.

Со сяна, Светлана Болотникова инвожолы басьтэм путёвкаосты берыктыны яке нылпилэсь шутэтсконзэ берлыгес выжтыны луоз шуыса вераз

Тодэ вайытом, туэ гужем Удмуртиысь 120 сюрслэсь трос пиналъёс но быдэ вуымтэос нылпи лагерьёсын шутэтскозы шуыса чакламын вал. Гудырикошкон пумын удмурт пиналъёслэн «Тулкым» лагерь сменазы усьтӥськыны кулэ, отын кунгож сьӧрысь финн-угор азьветлӥсьёсын онлайн-пумиськонъёс но онлайн-экскурсиос ортчозы



Наверх
Вниз