100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Ижкар думаысь депутатъёс 2020-тӥ арын умоятоно мер интывылъёсын лыдметэз соглаштӥзы

  • 178
  • 0
Ижкар / Удмуртия
Ижкар думаысь депутатъёс 2020-тӥ арын умоятоно мер интывылъёсын лыдметэз соглаштӥзы
Туспуктэм: Руслан Нуриахметов

21-тӥ куартолэзе Ижкар думаысь депутатъёс азьвыл чакламтэ сессиязы 2020-тӥ арлы «Формирование современной городской среды» муниципал программае воштонъёсты соглаштӥзы. Со сярысь кар администрацилэн пресс-службаез ивортӥз.

Тупатонъёс таяз арын «Жильё и городская среда» йӧскалык ӵектос улсын умоятыны чаклам мер интывылъёслэсь лыдзэс шонератонэн герӟаськемын

Лыдметэ 16 мер интывылъёс пыртэмын. Соосты умой каронэз 30-тӥ инвожоозь кутскыны кулэ. Та дыре ужъёсты быдэстӥсь огазеяськонъёсты быръёнъя вожвылъяськон ужрадъёс ортчыто.

Тужгес бадӟым ужъёс Шор площадьын мынозы. Таяз арын Степной но Парашютной ульчаос вожын скверез умоятозы, Татьяна Барамзина нимо ульчаын Ветеранъёслэн аллеяязы тыл юбоос но ивортодэт табличкаос пуктозы, Драгунов оружейник нимо скверын сӥльвирез кыдатон понна пыдын ветлон сюресъёс лэсьтозы. Озьы ик Удмуртиысь йӧскалык лыдӟетъюрт вӧзын сквер кылдоз.

Кичӧлтонъёсты улонэ пыӵатон понна коньдон висъянъя элькун программая Вормонзы 30 ар ульчаысь 20 номеро юрт вӧзын спортэн вырыны но шутэтскыны инты лэсьтозы, Коммунаръёслэн ульчаысьтызы 295 номеро юрт но Пушкинской ульчаысь 236 номеро юртъёс вискын – Эшъяськон сквер, Заречной шоссе ульчаысь 27 номеро юрт вӧзын –парк, «Театральный двор» ӵектос улсын «Молодой человек» муниципал театр вӧзын – сквер.Со сяна, Киров нимо ульчаын Омыр десант войскоослы сӥзем синпелет вӧзысь интыез умоятыны чаклало.

ВЛКСМ-лы 50 ар ульчаын выль кылдӥсь микрорайонын кык интыосты инвесторъёс чотын шулдыртозы.

Ворошилов нимо ульчаысь нюлэсо интыез («Столица» вузкаронни сьӧрын), «Тишино» паркез, С. В. Тарасов нимо скверез умоятон борды таяз арын кутскозы, но отын туж трос ужъёсты быдэстыны кулэ, соин ик вуоно арын гинэ йылпумъялозы.

2019-тӥ ар пумын Ворошилов ульчаысь вуоно парклы ним быръён радъязы. Тросэз «Сосновый бор» ним понна куаразэс сётӥзы

Мер интыосты сяна, таяз арын Ижкарын трос патеръем 31 коркаос вӧзысь 28 азбаръёсты умоятозы. Та ужъёсты 30-тӥ куарусёнозь быдэстыны кулэ. 

Тодэ вайытом, туэ тулыспалэ Глазов карысь валтӥсь ульчаез выльдыны 90 миллион манет утӥз.  



Наверх
Вниз