Ижкар+19 °C
2 -тӥ пӧсьтолэзь 2020 Покчиарня
16+

75 сюрс пала арлыдоослы юрттӥзы Удмуртиысь мерлыко ужасьёс пандемия вакытэ

  • 269
  • 0
Ижкар / Удмуртия
75 сюрс пала арлыдоослы юрттӥзы Удмуртиысь мерлыко ужасьёс пандемия вакытэ
Туспуктэм: Руслан Нуриахметов

Удмуртиысь мерлыко ужасьёс коронавирус вӧлмон вакытэ, 1-тӥ оштолэзьысен 20-тӥ куартолэзёзь, 74 сюрс 930 арлыдоослы юрттӥзы. Со сярысь элькун тӧролэн но кивалтэтлэн пресс-службазы ивортэ.

Астэ ачид нимаз висъян вакытэ мерлыко юрттэт сётонъя центръёсысь ӧнерчиос пересьёслы доразы сиён-юонъёс, эмъюмъёс вутто. Ужзэс дунтэк быдэсъяло.

Арлыдоослы юрттыны, эмъюрттэт сётыны но тазалыксэс чакланы, сиён-юон, эмъюмъёс но мукет кулэ луись вузъёс вуттыны кулэ. Мерлыко ужасьёсмылы луыса, сыӵе уж быдэстӥське. Та ласянь пайдалыко ужазы мерлыко политикая но тазалыкез утёнъя министерствоос, соос арлыдоослы доразы юрттэт сётонэз радъязы
Александр Бречалов, Удмуртилэн тӧроез

Росси азьмуртэн Владимир Путинэн кичӧлтэм «Демография» йӧскалык ӵектос улсын реабилитаци центръёсысь ӧнерчиос арлыдоослы онлайн амалэн мастер-классъёс, чиньыослы гимнастика ортчыто. 

Озьы ик компьютерен вырыны дышетскем арлыдоос куспын компьютер грамотая вожвылъяськонлэсь зоная люкетсэ но улосвыл люкетэзлэсь финалзэ онлайн амалэн ортчытӥзы. Али мерлыко юрттэт сётонъя ужъюртъёсын скандинав амалэн ветлонъя дышетонъёсты выльысь ортчытъяны кутско. Роспотребнадзорлэсь куронъёссэ быдэсъяса, соосты 3-5 адямиен группаосын нуо. 



Наверх
Вниз