Ижкар+15 °C
2 -тӥ пӧсьтолэзь 2020 Покчиарня
16+

«Арлэн семьяез» огъяросси вожвылъяськонлэн улосвыл люкетаз вормисьёсты шараязы Удмуртиын

  • 237
  • 0
Ижкар / Удмуртия
«Арлэн семьяез» огъяросси вожвылъяськонлэн улосвыл люкетаз вормисьёсты шараязы Удмуртиын
Туспуктэм: vk.com (Татьяна Чуракова)

Удмуртиын «Арлэн семьяез» («Семья года») огъяросси вожвылъяськонлэн улосвыл люкетаз вормисьёсты шараязы. Со сярысь «Вконтакте» мерлыко вотэсысь бамаз элькунысь мерлыко политикая но ужъя министр Татьяна Чуракова ивортӥз.

Вормисе потӥзы:

  • «Трос нылпиё семья» номинациын – Асановъёслэн семьязы (Ижкар, 11 нылпизы);
  • «Егит семья» - Шутовъёслэн семьязы (Яр ёрос, кык нылпизы);
  • «Гурт семья» - Егоровьёслэн семьязы (Пичи Пурга ёрос, вить нылпизы);
  • «Зарни семья» - Мерзляковъёслэн семьязы (Каракулино ёрос, кык нылпизы);
  • «Сямъёсты утись семья» - Каданцевъёслэн семьязы (Вотка кар, куинь нылпизы).

Улосвыл люкетын вормемъёс «Арлэн семьяез» огъяросси вожвылъяськонэ пыриськозы. Вань пыриськисьёслы мыло-кыдо луэмзы, семья дунлыкъёсты утемзы но азинтэмзы, нылпиос сярысь сюлмаськемзы понна тау карисько
Татьяна Чуракова, Удмуртиысь мерлыко политикая но ужъя министр

Пусъём, элькунын вожвылъяськон толэзь ӵоже кыстӥськиз. Отчы пыриськон понна 35 куриськонъёс вуизы.

Тодэ вайытом, таяз арняе Удмуртиын «Герои народа – герои страны» улосвылкуспо вожвылъяськонын вормисьёсты шараязы



Наверх
Вниз