Ижкар+19 °C
2 -тӥ пӧсьтолэзь 2020 Покчиарня
16+

Удмуртиын интыысь аскивалтон ёзэсъёслы куштӥськем коркаосты сэрттыны лэзьыны быгатозы

  • 232
  • 0
Ижкар / Удмуртия
Удмуртиын интыысь аскивалтон ёзэсъёслы куштӥськем коркаосты сэрттыны лэзьыны быгатозы
Туспуктэм: Руслан Нуриахметов

Удмуртиын интыысь аскивалтон ёзэсъёслы куштӥськем коркаосты сэрттыны лэзьыны быгатозы. Сыӵе куронэн Глаз ёросын улӥсьёс Кун Кенешлэн тӧроезлэн Владимир Невоструевлэн но элькун парламентысь депутатлэн Андрей Волковлэн онлайн амалэн пумиськонзы дыръя потӥзы, ивортэ улосвыл парламентлэн пресс-службаез.

«Парзинское» муниципал кылдытэтын улӥсьёслэн кылъёссыя, сыӵе юртъёс тылпу потон ласянь кышкытлык кылдыто но гуртъёслэсь туссэс быдто. Со сяна, со интыосты выль юрт пуктыны но сётыны уг луы, кылсярысь, егит семьяослы.

Владимир Невоструев сыӵе шугъяськон зэмзэ но вань шуыса пусйиз но «Парзинское» муниципал кылдытэтлэн тӧроезлы вань гуртъёсысьтызы куштӥськем юртъёсты чакланы куриз. Катӵектос кылдытон пумысен юанэз депутатъёс ужазы кутӥзы.

Тодэ вайытом, таяз арняе Удмуртиысь Кун Кенешлэн сессияз депутатъёс ялан ужась ӧриослэсь лыдзэс кулэстон сярысь пуктэт кутӥзы



Наверх
Вниз