Ижкар+19 °C
2 -тӥ пӧсьтолэзь 2020 Покчиарня
16+

«Анай-атайлэн данэз» пусэн пусйизы Матвеевъёслэсь семьязэс Пичи Пурга ёросын

  • 210
  • 0
Уча / Удмуртия
«Анай-атайлэн данэз» пусэн пусйизы Матвеевъёслэсь семьязэс Пичи Пурга ёросын
Туспуктэм: vk.com (Сергей Юрин)

Пичи Пурга ёрослэн тӧроез Сергей Юрин Уча черкогуртысь Матвеевъёслэсь семьязэс «Анай-атайлэн данэз» пусэн данъяз. Со сярысь кивалтӥсь «ВКонтакте» мерлыко вотэсысь бамаз ивортӥз.

Паймымон но синмаськымон та семья. Туннэ мыным шуд усиз соосын тодматскыны. Пётр Николаевич но Мария Ивановна 37 ар ӵоже вамышто артэ. Ӝӧк вылзы тыро, гурт-азбар котырзы шулдыр, сяська пӧлы выемын, котыразы нылпиос, нуныкаоссы. «Мар кулэ на та улонын, – шуо соос. – Ваньмыз луоз умой, ог-огдэ гажаса но валаса ке улӥд!»
Сергей Юрин, Пичи Пурга ёрослэн тӧроез

Кузпалъёс кыкназы гурт возёс удысын тыршизы – Пётр Николаевич 40 арлэсь кема, Мария Ивановна – 40 ар ӵоже. Кыкназы ик ужаны устоесь, шаплыесь, оскымонэсь, котькуд кутскем ужзэс йылаз-пумаз вуттыны быгатӥсесь. Кузпалъёс вить пиналъёссэс будэтӥзы, ваньзылы ик юртъеръёссэс пуктыны юрттӥзы, нош али нунокъёссэс визьноданы юртто. Со сяна, Мария Ивановна черкогуртын ортчись ужрадъёсы но пыриськыны вуэ.

Гажано Пётр Николаевич но Мария Ивановна, ӟечкыласько та данъян пус басьтэменыды. Азьланяз тазалык, шуд, нылпиосты но соослэн нылпиоссы мед шумпоттозы нуналысь нуналэ. Тау тӥледлы!
Сергей Юрин, Пичи Пурга ёрослэн тӧроез

Тодэ вайытом, кемалась ик ӧвӧл Можга ёросысь семьяез таӵе ик пусэн Александр Бречалов пусйиз. Нош оглом 2020-тӥ арын трос нылпиё 19 анай-атайёс данъетэз басьтозы.



Наверх
Вниз