Ижкар+19 °C
2 -тӥ пӧсьтолэзь 2020 Покчиарня
16+

Трос патеръем юртъёсты тупатъян понна тыриськонлэн быдӟалаез вуоно арын Удмуртиын уз воштӥськы

  • 193
  • 0
Ижкар / Удмуртия
Трос патеръем юртъёсты тупатъян понна тыриськонлэн быдӟалаез вуоно арын Удмуртиын уз воштӥськы
Туспуктэм: Алексей Арзамасцев

2021-тӥ арын Удмуртиын трос патеръем кораосты рос-прос тупатъян понна тыриськонлэн быдӟалаез уз воштӥськы. Со сярысь элькунысь капремонтъя фондлэн пресс-службаез ивортӥз.

Пеняосты юнматонэз но басьтонэз дугдытонэн валче, кивалтэтлэсь та пумкылъянзэ пандемия дыръя но сюбегатонъёсын режимысь потон вакытэ калыклы но ужбергатӥсьёслы юрттонэн лыдъяны луэ
Удмуртиысь трос патеръем юртъёсты рос-прос тупатъянъя фондлэн пресс-службаез

Туннэ тыриськонлэн быдӟалаез: лифттэк коркаосын – квадрат метр понна 8 манет, лифтэн коркаосын – квадрат метр понна 8 манет 70 коньы. Та лыдпусъёсты 2020-тӥ арлы кылем ар пумын юнматӥзы, тарифъёсты 2015-тӥ арысен нырысьсэ будэтӥзы.

Удмуртиысь тыриськонлэн быдӟалаез Россиысь шоро-куспо лыдпусъёс пӧлы шеде. Тыриськонлэн быдӟалаез сыӵегес ик 20 улосвылъёсын. Тужгес трос тыро Москваын (18 манет, 86 коньы), Якутиын (17 манет 80 коньы, Ханты-Манси автоном округын (13 манет 85 коньы). Тужгес ӧжыт – Хабаровск шаерын (1 манет 62 коньыысен 8 манет 8 коньыозь). 17 улосвылъёсын 2021-тӥ арлы тарифъёсты быдэтӥзы ни.

Тодэ вайытом, Удмуртиын витьлэсь ӧжыт квартираем коркаосын улӥсьёслы юртэз тупатъян понна тыронъёсты берыктозы.



Наверх
Вниз