Ижкар+15 °C
2 -тӥ пӧсьтолэзь 2020 Покчиарня
16+

Удмуртилэн тӧроез школаез йылпумъясьёсты чингыли берпуметӥзэ жингыртон нуналэн ӟечкылаз

  • 189
  • 0
Ижкар / Удмуртия
Удмуртилэн тӧроез школаез йылпумъясьёсты чингыли берпуметӥзэ жингыртон нуналэн ӟечкылаз
Туспуктэм: Николай Кузнецов

Удмуртилэн тӧроез Александр Бречалов школаез йылпумъясьёсты чингыли берпуметӥзэ жингыртон нуналэн ӟечкылаз. Видео солэн «ВКонтакте» мерлыко вотэсысь бамаз потӥз.

11-тӥ классэз 6 сюрс 878 пиналъёс йылпумъязы, 9-тӥ классэз – 16 сюрс 619 нылъёс но пиос

Сюлмысьтым ӟечкыласько тӥледыз. Тӥ – аспӧртэм выпуск. Ӵапак тӥ нырысетӥосыз, кин школаен чылкак выль амалэн люкиськоды, анай-атайёсты но агай-апайсты понна та нунал мукет сямен ортчылӥз. <…> Оскисько, туннэ чингылпи берпуметӥзэ жингыртӥз вуоно дышетӥсьёс, эмчиос, ужбергатӥсьёс, спасательёс, IT-ӧнерчиос понна – ваньмызлы, кинэн Удмуртия данъяськоз
Александр Бречалов, Удмуртилэн тӧроез

Удмуртиын вить кун вылӥ дышетсконниос выль студентъёссэс возьмало. Росси азьмуртлэн косэмезъя таяз арын коньдэт чотын дышетскон интыосты йылэтӥзы.

Тодэ вайытом, 2020-тӥ арын элькунын чингыли берпуметӥзэ жингыртонлы сӥзем ужрадъёс онлайн амалэн кык нунал ортчозы. Огъя кун экзаменъёс инвожо пумын кутскозы.


Школаез йылпумъясьёсты озьы ик «Удмурт Кенешлэн» тӧроез, Куш Кенешысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова ӟечкылаз.



Наверх
Вниз