Ижкар+15 °C
2 -тӥ пӧсьтолэзь 2020 Покчиарня
16+

Карлэсь нуналзэ Ижкарын куинь нунал пусъёзы

  • 93
  • 0
Ижкар / Удмуртия
Карлэсь нуналзэ Ижкарын куинь нунал пусъёзы
Туспуктэм: Руслан Нуриахметов

2020-тӥ арын Россилэсь но Карлэсь нуналзэ Ижкарын куинь нунал ӵоже пусъёзы – 10-12 инвожое. Со сярысь пресс-конференциын Удмуртиысь тӧролэн но кивалтэтлэн администрациенызы кивалтӥсь Сергей Смирнов ивортӥз.

12-тӥ инвожое Удмуртимылэн шоркарезлы, Ижкарлы, 260 ар тырме. Со нуналэ асьмеос Россилэсь нуналзэ пусъём. Чаклам ужрадъёс элькунамы санитарно-эпидемиологической югдурез чакласа ортчозы
Сергей Смирнов, Удмуртиысь тӧролэн но кивалтэтлэн администрациенызы кивалтӥсь

Фестивальлэн нырысетӥ нуналаз, 10-тӥ инвожое, азьло аръёсы сямен ик, азбаръёслэн нуналзы ортчоз. 11-тӥ инвожое ёросъёслэн нуналзы луоз. Нош 12-тӥ инвожое – Карлэн но Россилэн нуналзы.

Карын улӥсьёс понна спортъя но крезьгуро ужрадъёс радъялозы: балконъёсын пижамной вечеринкаос но позыръяськонъёс. Озьы ик калыклы субботникъёсы потыны яке уж доры велосипедэн мыныны ӵекто.

Фестивальлэн быдэсак программаеныз ужрадлэн нимлыко сайтаз тодматскыны луэ. 

Нялтас вераса, Карлэсь нуналзэ куинь нунал ӵоже пусъён Удмуртиын 2017-тӥ арысен сяме пыриз. 



Наверх
Вниз