Ижкар+19 °C
6 -тӥ пӧсьтолэзь 2020 Вордӥськон
16+

Удмурт кылын нимкылъёсъя но шонер гожъяськонъя ӧри ужзэ азьланьтоз Удмуртиын

  • 82
  • 0
Ижкар / Удмуртия
Удмурт кылын нимкылъёсъя но шонер гожъяськонъя ӧри ужзэ азьланьтоз Удмуртиын

Удмуртиын удмурт кылын нимкылъёсъя но шонер гожъяськонъя ӧри ужзэ (составен) азьланьтоз. Выльдэм огинэтэ удмурт егитъёслэн ыстэм муртъёссы но пырозы. Сыӵе пумкылъян ӧрилэн ёзчиосыз 9-тӥ инвожое видеоконференци амалэн ортчем кенешоназы кутӥзы. Со сярысь Калыкъёслэн эшъяськон юртсылэн пресс-службаез ивортӥз.

Ӧрилэн ужез туж трос луоз – удмурт кылын ужась иворъёсты вӧлмытӥсь ёзэсъёс нуналлы быдэ пото, мобильной арбериос понна ватсэтъёс но нылпи шудонъёс кылдытон бордын уж мынэ, удмурт кылэз дышетонъя англи но ӟуч кылъёсын видеороликъёс лэсьтӥсько, валамон кылын тодосъя книгаос но чеберлыко литература потто… ваньмыз со выль кылъёсты кутонэз кулэ каре
Удмуртиысь Калыкъёслэн эшъяськон юртсылэн пресс-службаез

Ӧрилэн валтӥсь ужпумъёсыз – удмурт кылтӥрлыкез узырмытон, нимкылъёсты, интынимъёсты, шонер гожъяськонэз но пуспуктылонэз радъян, озьы ик текстъёсты ӟучысь удмурт кылэ берыктон

Удмуртиысь йӧскалык политикая министр Лариса Буранова янгышъёсты тупатонлы нимысьтыз саклык висъяно шуыса пусйиз. Элькунысь ужъюртъёслэсь нимъёссэс удмурт кылэ шонертэм берыктэм яке янгышъёсын гожтэмъёсты выльдыны кулэ.

Тодэ вайытом, 2019-тӥ ар пумын Удмуртиын кык томъем ӟуч-удмурт кыллюкам поттӥзы, соин тодматон туэ толшоре радъяськиз. Нош та нуналъёсы удмурт егитъёслэн «Куара» огинзы удмурт кылъя видеокурсъёсызлы кутскон сётӥз.



Наверх
Вниз