Ижкар+19 °C
7 -тӥ пӧсьтолэзь 2020 Пуксён
16+

Одӥг но ӝыны аресозь нылпиен пукон понна ӧжытэз тыриськон инвожоысен кык поллы будӥз Удмуртиын

  • 55
  • 0
Ижкар / Удмуртия
Одӥг но ӝыны аресозь нылпиен пукон понна ӧжытэз тыриськон инвожоысен кык поллы будӥз Удмуртиын
Туспуктэм: Руслан Нуриахметов

Одӥг но ӝыны аресозь нылпиен пукон понна толэзьлы быдэ тыриськись пособилэсь ӧжытсэ быдӟалазэ ужась адямиос понна кык поллы будэтӥзы. Со сярысь Россиысь мерлыко утетъя фондлэн Удмурт Элькунъя ёзэтэзлэн пресс-службаез ивортӥз.

2020-тӥ арын 1-тӥ инвожоысен тыриськонлэн ӧжытэз быдӟалаез, котькӧняетӥеныз нылпиен мед пукод, 6 сюрс 752 манет луоз. Ёрос коэффициентэз лыдэ басьтыса, Удмуртиын пособилэн быдӟалаез 7 сюрс 764 манет 80 коньыозь вуоз. Со быдэс толэзь понна пособилэн ӧжытэз быдӟалаез.

1-тӥ инвожоозь Удмуртиын нырысетӥ нылпиен пукон понна пособилэн быдӟалаез 3 сюрс 882 манет 14 коньы вал, кыкетӥеныз со бӧрсьыосыныз пукем понна – 7 сюрс 764 манет.

Ортчем толэзь понна пособиосты вуонояз толэзе 1-тӥысен 15-тӥ числоозь тыро бере, выль сямен чотам коньдонэз пӧсьтолэзьысен сётъяны кутскозы. 



Наверх
Вниз