Ижкар+19 °C
7 -тӥ пӧсьтолэзь 2020 Пуксён
16+

«Этно TikTok» ӵектосэ пыриськыны быгатозы Пичи Пурга ёросысь егитъёс 2021-тӥ арын

  • 75
  • 0
Пичи Пурга / Удмуртия
«Этно TikTok» ӵектосэ пыриськыны быгатозы Пичи Пурга ёросысь егитъёс 2021-тӥ арын
Туспуктэм: Григорий Фомин

2021-тӥ арын Пичи Пурга ёросын 14-30 аресъем егитъёс понна «Этно TikTok» ӵектос радъялозы. Проект кун йӧскалык политикая удысысь ӵектосъёсты улонэ пыӵатон понна муниципал кылдытэтъёслы субсидиос люкылонъя вожвылъяськонын вормисьёс пӧлы сюриз но 94 сюрс манет утӥз. Со сярысь ивортодэтъя «Удмуртия» агентстволэн корреспондентэзлы ӵектослэн авторез, Пичи Пурга ёрос лыдӟетъюртысь библиотекарь, Калыкъёслэн эшъяськон юртсылэн Пичи Пурга ёросысь методистэз Асият Фишер вераз.

Кызьы валано ӵектослэн нимысьтыз, ужрадэз «TikTok» мерлыко вотэсын ортчытозы. Отчы Пичи Пурга ёросын улӥсь пӧртэм выжыысь егитъёс пыриськозы.

Со ортчоз челлендж сямен - кулэ луоз сётэм темая видеоролик кылдытыны. Малпаськом дас пала тема кутыны. Со роликъёсты кылдытыны милемлы юрттоз «Куара» огин - соос дышетозы егитъёсты мерлыко вотэсын ужаны но роликъёсты кылдытыны. Со сяна, вераськом трендъёс сярысь
Асият Фишер, ӵектослэн авторез

Егитъёслы йӧскалык сиён-юон, гурт, сямъёс, калык дӥськут, кырӟанъёс, эктонъёс сярысь видео ужъёс лэсьтыны ӵектозы.

Кин тодэ, оло, Пичи Пурга ёросысь но зэмос «TikTok» блогеръёс потозы, пусъе Асият Фишер.

Мон малпамъя, аслад калыкед сярысь котьку верано, тодматоно соин. Одно ик, мукет калыкъёс пӧлын куке улӥськод. Медаз ышы, медаз быры шуыса
Асият Фишер, ӵектослэн авторез

Тодэ вайытом, йӧскалык политикая удысысь ӵектосъёсты улонэ пыӵатон понна муниципал кылдытэтъёслы субсидиос люкылонъя вожвылъяськонын вормисьёслы оглом одӥг миллион манетлэсь трос коньдон висъязы. Одӥгез вормись ӵектос - «Вашкала. Туала. Кайтала» - Кияса ёросын быдэстӥськоз.



Наверх
Вниз