Ижкар+22 °C
8 -тӥ гудырикошкон 2020 Кӧснунал
16+

Александр Бречалов Ижкарысь Ялан ӝуась тыл доры сяськаос понӥз

  • 72
  • 0
Ижкар / Удмуртия
Александр Бречалов Ижкарысь Ялан ӝуась тыл доры сяськаос понӥз
Туспуктэм: udmurt.ru

Туннэ, 22-тӥ инвожое - Буре ваён но кайгырон нуналэ, Удмуртилэн тӧроез Александр Бречалов Ижкарысь ялан ӝуась тыл доры сяськаос понӥз. Со сярысь элькун тӧролэн но кивалтэтлэн пресс-службазы ивортэ.

Быдӟым Вормон асьмелы миллионъёсын улонъёслы луыса сётскиз. Кунамы одӥг семья но ӧвӧл, кудзэ та шимес адӟон палэнтӥ ортчиз. Туннэ асьмеос ож бусыосын быремъёс, ож мышкын но котыртэм каръёсын улонзэс сётэм муртъёс, ваньзы пумысен, кинлэсь улонзэ Быдӟым Атыкай ож куспетӥ кариз, кайгыриськом. Тодын возёно но со сюресэз ноку выльысь ортчоно ӧвӧл
Александр Бречалов, Удмуртилэн тӧроез

Туннэ Удмуртия огъяросси акциосы пыриське. 4 часын ӵукна «Буре ваён сюсьтыл» ужрад кутскиз. Вань мылкыд карисьёс Ялан ӝуась тылъёс доры лыктыны но, ӵыжы-выжыоссэс буре вайыса, сяська поныны быгато.

Нунал ӵоже Ижкарысь Ожгар но уж данлыкъя монумент дорын «Вахта памяти» акци улсын десантникъёс но пограничникъёс сыло.

Удмуртиын дыръя 13 час 15 минутэ огъяросси чус улон минут ортчоз

Туннэ нуналысен Вормон скверын архивысь ужкагазъёсын «Детство, опалённое войной…» нимо интыысь интые ветлӥсь адӟытон ужаны кутске. Нырысьсэ ортчись адӟытонын Быдӟым Атыкай ож вакытэ элькунамы нылпиослэн улонзэс возьматӥсь туспуктэмъёс но ужкагазъёс поттэмын: колхозъёсын, заводъёсын ужамзы, киужъя училищеосын он фабрикаосын но заводъёсын ужаны дышетӥсь школаосын дышетскемзы, нылпи юртъёсын улэмзы. 

Тодэ вайытом, Быдӟым Атыкай ожын быремъёсты буре вайыса, Ижкарын киросэн вамыштон ортчиз ини.



Наверх
Вниз