Ижкар-14 °C
4 -тӥ толсур 2020 Удмуртарня
18+

Быдӟым Вормонлы 75 ар тырмонлы сӥзем акциос ортчозы Ижкарын 24-тӥ инвожое

  • 124
  • 0
Ижкар / Удмуртия
Быдӟым Вормонлы 75 ар тырмонлы сӥзем акциос ортчозы Ижкарын 24-тӥ инвожое
Туспуктэм: Григорий Фомин

24-тӥ инвожое Ижкарын Быдӟым Атыкай ожын Вормонлы 75 ар тырмонлы сӥзем акциос ортчозы. Со сярысь кар администрацилэн пресс-службаез ивортэ.

Нырысетӥез «Победный марш» акци луоз. 10 часысен 12 часозь но 15 часысен 19 часозь Ижкарысь Пушкинской но Советской урамъёсысь громкоговорительёс пыр ож вакытысь маршъёс но кырӟанъёс чузъяськозы

«Весть Победы» акци улсын интыысь дыръя 12 часын быдэс кунын 1 минут ӵоже вань транспорт гудоксэ ужатоз. Ужрадэ нимаз адямиослэн автомобильёссы, мер но ужан транспорт, поездъёс но корабльёс пыриськозы. Ижкарын акци борды заводъёс но черкъёс итӥськозы. Озьы ик ужрадэ вань мылкыд карисьёсты пыриськыны ӧтё.

75 ар талэсь азьло сямен ик 21 час 30 минутысен 22 часозь инбаме тыл юбо ӝутскоз. Ижкарысь Шор площадысь выль фонтанлэн вулэсь полотно вылаз учкисьёслы лазер шоу но Ижкарлы «Город трудовой доблести» дано ним сётон кичӧлтонлы сӥзем видеоролик возьматозы.

Тодэ вайытом, 24-тӥ инвожое Россиысь каръёсын Вормонлы 75 ар тырмонлы сӥзем парадъёс ортчозы. Эпидеми югдурез лыдэ басьтыса, Удмуртиысь тӧрлыкъёс Парад ортчытонлэсь куштӥськизы.  



Наверх
Вниз