Ижкар+1 °C
23 -тӥ коньывуон 2020 Удмуртарня
18+

Быдӟым Атыкай ожын быремъёслы синпелет усьтӥзы Можга ёросын

  • 116
  • 0
Лудзи-Шудзи / Удмуртия
Быдӟым Атыкай ожын быремъёслы синпелет усьтӥзы Можга ёросын
Туспуктэм: vk.com (Александр Васильев)

2020-тӥ арын 22-тӥ инвожое, Буре ваён но кайгырон нуналэ, Можга ёросысь Гозег (Лудзи-Шудзи) гуртын Быдӟым Атыкай ожын быремъёслы синпелетэз усьтӥзы. Сое кичӧлтонъёслы коньдэтысь юрттэт сётонъя «Наша инициатива» элькун программа улсын пуктӥзы. Со сярысь «ВКонтакте» мерлыко вотэсысь бамаз Можга ёрослэн тӧроез Александр Васильев ивортӥз.

Ёрос тӧролэн верамезъя, 2019-тӥ арын элькун программа улсын синпелет артысь Бальӟашурын пуктӥзы. Гозегъёслэн бускельёссылэсь кылемзы ӧз поты.

Бальзашурын улӥсьёслэн бускельёссы – Гозегын улӥсьёс, бере кылёно ӧвӧл шуизы. Соос котькызьы но ас гуртооссылэсь нимъёссэс пыраклы кельтоно шуыса малпазы
Александр Васильев, Можга ёрослэн тӧроез

Гуртоос «Наша инициатива» программае пыриськон понна куриськон келязы. Соослы ёрос но гурт администрациосын ужасьёс юрттӥськизы. Озьы ӵектоссы вожвылъяськонын вормиз но коньдон утӥз.

Синпелет пуктон понна элькун коньдэтысь 254 сюрс 338 манет висъязы, гурт коньдэтысь – 38 сюрс манет, ужбергатӥсьёс 38 сюрс 150 манет сётӥзы, гуртоос 38 сюрс 302 манет люказы

Синпелетэз усьтон ужрадэ Удмуртиысь кивалтэтлэн тӧроезлэн воштӥсез Анатолий Строков, интыысь кивалтӥсьёс, гуртысь азьветлӥсьёс, ож мышкын тыршемъёс но ож вакытысь нылпиос пыриськизы.

Тодэ вайытом, 2020-тӥ арын 9-тӥ куартолэзьлы элькунамы тупатъяны чаклам синпелетъёс пӧлысь 200-лэсь троссэ лэсьтыса вуттӥзы



Наверх
Вниз