Ижкар+19 °C
6 -тӥ пӧсьтолэзь 2020 Вордӥськон
16+

Театръёсты, клубъёсты но лагерьёсты усьтозы Удмуртиын

  • 76
  • 0
Ижкар / Удмуртия
Театръёсты, клубъёсты но лагерьёсты усьтозы Удмуртиын
Туспуктэм: Константин Вознесенских

Удмуртиын театръёс но клубъёс, собере санаторийёс, нылпи  лагерьёс ужаны кутско. Удмуртилэн тӧроез Александр Бречалов «Вылӥ дасьлыкъя режим кутон но выль коронавирус инфекци вӧлмон кышкытлыкез кулэстонъя нимаз амалъёс сярысь» косэмаз тупатонъёс пыртӥз. Ужкагаз элькун тӧрлыкъёслэн нимлыко сайтазы поттэмын.

Озьы, 29-тӥ инвожоысен кун но муниципал театръёс но концерт огазеяськонъёс, лулчеберетъя но шутэтскон дырез ортчытонъя ужъюртъёс ужзэс азьланьтыны быгато (трос калыкен ужрадъёс ортчытъяны уг на яра). Соослы репетициос нуыны лэзизы.

1-тӥ пӧсьтолэзе эм ужъёсты быдэсъяны лицензиен санаторийёс усьтӥськозы.

12-тӥ пӧсьтолэзе пиналъёслы ватсаса тодон-валан сётонъя ужъюртъёслы, озьы ик нылпи лагерьёслы (карсьӧр, нуназе ужась, ужъя но шутэтсконъя, школа лагерьёс) ужаны лэземын.

Вань верам ужъюртъёс ужаны быгато Роспотребнадзорлэсь куронъёссэ юн чакласа гинэ

Тодэ вайытом, лулчеберет но дышетон ужъюртъёсты южтолэзе, Удмуртиын коронавирус инфекци вӧлмыны кутскон вакытэ, ворсазы вал. 



Наверх
Вниз