Ижкар-1 °C
29 -тӥ коньывуон 2020 Покчиарня
18+

Россиын калыкез лыдъян-гожтонэз 2021-тӥ арлы выжтӥзы

  • 121
  • 0
Москва / Россия
Россиын калыкез лыдъян-гожтонэз 2021-тӥ арлы выжтӥзы
Туспуктэм: Ульяна Колмогорова

Россиын калыкез лыдъян-гожтон ужрадэз 2021-тӥ арлы выжтӥзы. Кун кивалтэтлэн пуктэмезъя, со 1-30 оштолэзе ортчоз, ивортэ ужрадлэн пресс-службаез.

Кыдёкысь улон интыосын, кытчы оштолэзе транспортэн вуыны шуг луэ, перепись 2020-тӥ арысь 1-тӥ коньывуонысен 2021-тӥ арысь 30-тӥ инвожоозь ортчоз.

Ми умой но ӟечлыко дасяськыны но кулэ валэктон уж ортчытыны быгатомы. Дыртытэк калыклы вераны, кызьы ортчоз перепись
Павел Малков, Росстатлэн кивалтӥсез

Калыкез лыдъян-гожтонлы нырысь-валысь йылпумъянъёс 2021-тӥ арын коньывуонэ лэсьтозы. Йылпумъясь ивортодэтэз 2022-тӥ арын ньылетӥ кварталын нимлыко шараялозы.

Тодэ вайытом, азьвыл огъяросси переписез 2020-тӥ арын 1-31 коньывуонэ ортчытыны чакламын вал. Но эпидемиологи югдурен сэрен Росстат калыкез лыдъян-гожтонэз вуоно арлы выжтыны ӵектӥз.

Пусъем, мылкыд карисьёс ужрадэ «Госуслуги» портал пыр пыриськыны быгатозы. Нош каркась корка ветлыса калыкез лыдъясь-гожтӥсьёс электрон планшетъёсын ужалозы. 



Наверх
Вниз