Ижкар+20 °C
9 -тӥ гудырикошкон 2020 Воскресенье
16+

«Уж данлыкъя кар» стелаез пуктыны интыез бырйизы Ижкарын улӥсьёс

  • 79
  • 0
Ижкар / Удмуртия
«Уж данлыкъя кар» стелаез пуктыны интыез бырйизы Ижкарын улӥсьёс
Туспуктэм: Григорий Фомин

Ижкарын улӥсьёс «Уж данлыкъя кар» стелаез пуктыны интыез бырйизы. Куара сётонэ 2 сюрс 700-лэсь трос адями пыриськиз. Со сярысь карлэн тӧроез Олег Бекмеметьев «ВКонтакте» мерлыко вотэсысь бамаз ивортӥз.

Куараос тазьы люкиськизы:

- «Калыкъёслэн эшъяськонзы» («Пыраклы Россиен») синпелет вӧзысь эспланада – 601 адями;
- Вормон сквер – 587 адями;
- Шор площадь – 392 адями;
- кар администраци вӧзысь площадь – 307 адями.
- Иж тыметлэн ярдурез – 218 адями;
- Нылпи творчествоя дворец вӧзысь инты – 212 адями;
- Киров нимо парк – 147 адями;
- кивалтэтлэн юртэз но Арсенал вискысь инты – 132 адями.

Озьыен, карын улӥсьёс стела «Калыкъёслэн эшъяськонзы» монумент вӧзысь площадьын сылыны кулэ шуыса куаразэс сётӥзы. Кыӵе тусыз луоз «Ижкар – уж данлыкъя кар» стелалэн, суредасьёс, скульпторъёс вералозы
Олег Бекмеметьев, Ижкарлэн тӧроез

Ижкар администраци Удмуртиысь архитекторъёслэн огазеяськонэнызы ӵош стелалы эскиз кылдытонъя вожвылъяськон ялоз, солы йылпумъянъёс 31-тӥ гудырикошконозь лэсьтыны малпало.

Тодэ вайытом, азьвылгес Олег Бекмеметьев стелаез толалтэ пуктозы шуыса вераз вал. Удмуртилэн шоркарез дано нимез басьтӥзы шуыса 2-тӥ пӧсьтолэзе тодмо луиз.



Наверх
Вниз