Ижкар+20 °C
9 -тӥ гудырикошкон 2020 Воскресенье
16+

Удмуртиын «Пужымо Байгурезь – кужым кузьмась гурезь» фотоконкурс ялӥзы

  • 72
  • 0
Дэбес / Удмуртия
Удмуртиын «Пужымо Байгурезь – кужым кузьмась гурезь» фотоконкурс ялӥзы
Туспуктэм: Григорий Фомин

Дэбес ёросысь «Байгурезь» ватсэтэн «Новый путь» газет «Пужымо Байгурезь – кужым кузьмась гурезь» фотоконкурс ортчыто. Со сярысь радъясьёс «ВКонтакте» мерлыко вотэсысь огинын ивортӥзы.

Вожвылъяськон элькунысь инкуазь синпелетлы – Байгурезьлы саклык висъян но улосчиосмес творчествое кыскон вылысь радъяське.

Пыриськисьёс портрет, пейзаж, фотоэтюд но мукет ӧръёсъя дасозь буёло яке сьӧд-тӧдьы туспуктэмъёс келяны быгато. 

Ужъёсты ньыль номинациосъя дунъялозы:

- Тулыс Байгурезь (туспуктэмъёсты 1-тӥ гудырикошконозь куто);

- Гужем Байгурезь (туспуктэмъёсты 1-тӥ гудырикошконозь куто);

- Сӥзьыл Байгурезь (туспуктэмъёсты 1-тӥ коньывуонозь куто);

- Тол Байгурезь (туспуктэмъёсты 1-тӥ толсурозь куто).

Устооссэ ужъёсты нимысьтыз кылдытэм жюри быръёз. Соос туспуктэмъёслэн аспӧртэмлыксылы, вожвылъяськонлэн темаезлы тупамзылы, устолыксылы саклык висъялозы. Озьы ик интернетын куара сётон радъяськоз. Котькуд номинациын кык вормись луоз – жюрилэн дунъямезъя но интернетын куара сётэмъя.

Вожвылъяськонлы йылпумъянъёс туэ 11-тӥ толсуре лэсьтозы, Гурезьёслэн калыккуспо нуналазы. Устооссэ ужъёсты 20221-тӥ арлы дырпусэ поттозы. Вормисьёс дипломъёс но кузьымъёс басьтозы.

Туспуктэмъёсты «Новый путь» газетлэн noviput@udmnet.ru электрон почтаяз келяны, редакцие пыртыны яке «Байгурезь» газетлэн «ВКонатке» мерлыко вотэсысь огиназ ивортонэн лэзьыны луэ. 




Наверх
Вниз