Ижкар+20 °C
9 -тӥ гудырикошкон 2020 Воскресенье
16+

Лымшор ёросъёсысь удмурт пиналъёс понна «Егит тулкым» гужем лагерь ортчоз Можгаын

  • 47
  • 0
Можга / Удмуртия
Лымшор ёросъёсысь удмурт пиналъёс понна «Егит тулкым» гужем лагерь ортчоз Можгаын
Туспуктэм: vk.com (Егит тулкым/Кирилл Камеров)

17-21 гудырикошконэ Можгаысь Т. К. Борисов нимо педколледжын Удмуртиысь лымшор ёросъёсысь удмурт пиналъёс понна сяме пырем «Егит тулкым» лагерь ортчоз. Туэ со 11-тӥ ползэ радъяське ни. Со сярысь ивортодэтъя «Удмуртия» агентстволы Можга ёрослэн администрациысьтыз лулчеберетъя, спортъя но егитъёсын ужанъя ёзэтысь спортъя но егитъёслэн политиказыя секторысь валтӥсь ӧнерчи-эксперт Оксана Вотякова вераз.

Лагере Можга, Вавож, Алнаш, Грак, Кизнер, Пичи Пурга ёросъёсысь но Можга карысь удмурт кылын вераськыны быгатӥсь 14-17 аресъем 40 быдэ вуымтэос пыриськозы.

8-11 класъёсын, озьы ик шор ёзо ӧнер дышетсконниосысь 1-2 курсъёсын дышетскисьёс куать ӧръёсъя тодон-валанъёс басьтозы но быгатонлыкъёссэс муромытозы: эктон, эстрада, фольклор, дӥськут дизайн, видеоискусство, театр искусство. Пиналъёсын ёросысь лулчеберетъя ёзэтысь ӧнерчиос ужалозы.

Оксана Вотяковалэн верамезъя, лагерьын тазалыкез утён ласянь вань куронъёсты чаклалозы.

Милям маскаос, дезинфекци суретъёс чакламын луозы, котькуд комнатаын омырез тазатӥсь лампаос луозы. Котькуд нунал температураез мерталомы, солы нимысьтыз журнал лэсьтомы. Ужрадъёсты, занятиосты луэмезъя кырын ортчытъяломы
Оксана Вотякова, спортъя но егитъёслэн политиказыя секторысь валтӥсь ӧнерчи-эксперт

Тодэ вайытом, 2020-тӥ арын куарусёнэ Можгаын блогеръёслэн школазы ужаны кутскоз



Наверх
Вниз