Ижкар+17 °C
26 -тӥ куарусён 2020 Кӧснунал
18+

Бесланын терактын быремъёсты буре вайизы Ижкарын «Улон шапык» акци улсын

  • 70
  • 0
Ижкар / Удмуртия
Бесланын терактын быремъёсты буре вайизы Ижкарын «Улон шапык» акци улсын
Туспуктэм: Юлия Ившина

3-тӥ куарусёнэ, Терроризмен нюръяськонын огазеяськон нуналэ, Ижкарын «Улон шапык» («Капля жизни») огъяросси акция ортчиз. Со 2004-тӥ арын куарусёнэ Бесланын луэм шимеч учырлы сӥземын.

Сяме пыремъя буре ваён ужрад Нылпи творчествоя дворецлэн азбараз воин-интернационалистлы синпелет дорын ортчиз

Ужрадэ интыосысь ожъёсысь ветеранъёс, Удмуртиысь десантникъёслэн огазеяськонзылэн ёзчиосыз, кадетъёс, дышетскисьёс но карын улӥсьёс люкаськизы. Соос терактын быремъёсты минут ӵоже чус сылыса буре вайизы.

16 ар талэсь азьло Беслан нарицательной ним луиз. <…> Тодамы возьытозямы сыӵе кӧшкемыт учыръёс быдӟым кунмылэн историяз луыны кулэ ӧвӧл ни
Татьяна Ишматова, Удмуртиысь Кун Кенешысь ялан ужась ӧрилэн кивалтӥсез

Кадетъёс кырымъёсазы ву басьтӥзы но синпелет дорысь сяськаосты киськазы. Озьы соос теракыт быремъёсын вуэнызы «люкиськизы». Ужрадэз йылпумъяса вань мылкыд карисьёс сяська понӥзы.

Тодэ вайытом, 2004-тӥ арын 1-тӥ куарусёнэ террористъёс Бесланысь 1 номеро школаез киултӥзы. Йыртэмасьёс 1 сюрс 200-лэсь трос адямиосты куинь нунал ӵоже пытсаса возизы. Терактын 334 адями быриз, 186-ез соос пӧлысь – нылпиос. 

Ватсалом, 19 часын Ижкарын «Свеча памяти» огъяросси ужрад ортчоз. Нош 4-тӥ куартолэзе Удмуртилэн шоркараз террористъёсын быдтэм стюардессаез Надежда Курченкоез буре ваёнлы сӥзем ужрад радъялозы



Наверх
Вниз