Ижкар+17 °C
26 -тӥ куарусён 2020 Кӧснунал
18+

Финн-угор калыкъёслэн историенызы вотэсын этнографи урокъёсын тодматскыны быгато Удмуртиын улӥсьёс

  • 101
  • 0
Ижкар / Удмуртия
Финн-угор калыкъёслэн историенызы вотэсын этнографи урокъёсын тодматскыны быгато Удмуртиын улӥсьёс
Туспуктэм: Руслан Нуриахметов

Удмуртиын улӥсьёс финн-угор но самоди калыкъёслэн историзы, лулчеберетсы но йылолъёссы сярысь видеоурокъёсын тодматскыны быгатозы. Россиысь лулчеберетъя финн-угор центр «Уроки этнографии в Сети» онлайн югдытон ӵектос лэзиз. Со сярысь Удмуртиысь йӧскаылк политикая министерстволэн пресс-службаез ивортӥз.

Котькуд сюжет-лекция 5-8 минут мынэ, пумен пӧртэм туспуктэмъёсты но виеосуредъёсты возьмато. Видеоурокъёсты анимированной профессор Уральский но студентка Лиза но.

Та дыре онлайн-урокъёс, видеоэкскурсиос но тодматонъёс уката паськыт вӧлмо. Соин ик сюбегатонъёс но дистанционной малэн дышетсконэ выжон вакытэ милям «Просветительский онлайн-абонемент» ӵектос лэсьтыны малпанмы кылдӥз. Со адӟытонъёсын, дышетонэн, крезьгурен виртуальной ӵектосъёс
Татьяна Барахова, Россиысь лулчеберетъя финн-угор центрлэн кивалтӥсез

Нырысетӥез видеосюжет потӥз ни, со урал кыл семьяе пырись калыкъёслэн кылдэмзылы но улыны интыяськемзылы сӥземын. Кыкетӥез куарусён шорын потоз но финн-угор но самоди калыкъёслэн ӵыжы-выжы кусыпъёссы сярысь вералоз.

Видеоез лулчебертъя финн-угор центрлэн видеопорталысь, «ВКонтакте» мерлыко вотэсысь, Youtube-каналысь шедьтыны луоз. 



Наверх
Вниз