Ижкар+17 °C
26 -тӥ куарусён 2020 Кӧснунал
18+

10 миллион манет пала коньдон басьтозы Удмуртиысь коммерци луисьтэм тямыс огазеяськонъёс

  • 77
  • 0
Ижкар / Удмуртия
10 миллион манет пала коньдон басьтозы Удмуртиысь коммерци луисьтэм тямыс огазеяськонъёс
Туспуктэм: Константин Вознесенских

Удмуртиысь коммерци луисьтэм тямыс огазеяськонъёс Азьмуртлэн грантъёсъя фондэзлэн нимысьтыз вожвылъяськоназ вормисьёс пӧлы пыризы. Соос ӵектосъёссэс улонэ пыӵатон понна оглом 9 миллион 982 сюрс 149 манет басьтозы. Со сярысь элькун тӧролэн но кивалтэтлэн пресс-службазы ивортэ.

Удмуртиысь вормисьёс пӧлы Ижкарысь ньыль ӵектосъёс но Глазкарысь, Воткаысь, Сьӧлта но Дэри ёросъёсысь быдэн одӥг ӵектосъёс пыризы. Ньылез соос пӧлысь 500 сюрс манетозь грант утӥзы, ньылез – 500 сюрс манетысен 3 миллион манетозь

Мерлыко ӵектосъёсты туэ куарусёнэ улонэ пыӵатыны кутскозы. Ньылез соос пӧлысь семьялы, анай но атай луонлы но нылпи вакытлы юрттон ӧрен герӟаськемын, куинез - калыклы мерлыко юрттэт сётон ӧрен, одӥгез – калыклэсь тазалыксэ утён, таза улонэз вӧлмытон ӧрен.

Вожвылъяськонэ Удмуртиысь ньыль каръёсысь но тямыс ёросъёсысь 44 мер огазеяськонъёслэсь 46 ӵектосъёс келямын вал.

Приволжск федерал округысь 836 куриськонъёс вуизы (вань куриськонъёс пӧлысь 21,6 процентэз), со пӧлысь 193-ез вормисьёс пӧлы сюризы (вань вормисьёс пӧлысь 21,4 процентэз). 

Коммерци луисьтэм мерлыко огазеяськонъёслы юрттэт сётонъя вожвылъяськон Владимир Путинлэн косэмезъя туэ 16-тӥ инвожое ужзэ мытӥз. Тужгес усто ӵектосъёсты координационной комитетлэн кенешаз шараязы, сое видеоконференция амалэн азьмуртлэн администрациеныз кивалтӥсьлэн нырысетӥ воштӥсез Сергей Кириенко ортчытӥз.

Вожвылъяськонын вормисе Россиысь 900 огазеяськонъёс потӥзы, соос оглом 2 миллиард манет басьтозы

Тодэ вайытом, Азьмуртлэн грантъёсъя фондэзлэн 2020-тӥ арын ортчем нырысетӥ конкурсаз Удмуртиысь 44 ӵектосъёс 35 миллион 200 сюрс манет утӥзы, кыкетӥ вожвылъяськонын 58 ӵектосъёс вормисе потӥзы, соос оглом 56 миллион 67 сюрс 174 манет басьтӥзы, соос пӧлын Сьӧлта ёрослэн «Шудор» ӵектосэз.



Наверх
Вниз