Ижкар+17 °C
26 -тӥ куарусён 2020 Кӧснунал
18+

Инкуазьысь вӧсьлыко интыослэн туспуктэмъёссыя калыккуспо вожвылъяськонэ пыриськыны быгато Удмуртиын улӥсьёс

  • 71
  • 0
Таллин / Эстония
Инкуазьысь вӧсьлыко интыослэн туспуктэмъёссыя калыккуспо вожвылъяськонэ пыриськыны быгато Удмуртиын улӥсьёс
Туспуктэм: Анжелика Тихонова

Эстониын инкуазьысь вӧсьлыко интыослэн туспуктэмъёссыя 13 калыккуспо вожвылъяськон ялӥзы. Отчы Удмуртиын улӥсьёс но пыриськыны быгато. Со сярысь ужрадэз радъясь «Hiite Maja» ужъюртлэн нимлыко сайтаз ивортӥзы.

Вожвылъяськон вашкала вӧсьлыко интыослэсь дунлыксэс валан, туннэ нуналлы югдурзэс возьматон но калыклэсь соосты утьыны, отчы ветлыны мылкыдзэс ӝутон понна радъяське.

Туспуктэме священной гурезьёсты, писпуосты, изъёсты, тыметъёсты но адямиен лэсьтымтэ-кылдытымтэ мукет инкуазь интыосты уськытыны луэ, кытчы вашкала дыръя адямиос вӧсяськыны, эмъяськыны, курбон сётыны, кенешыны, тунаськыны но мукет сям-йылолъёсты ортчытъяны люкаськылӥзы.

Конкурсэ быдэс дуннеысь интыосысь туспуктэмъёсты кутозы, но нимысьтыз саклык урал калыкъёслэн вӧсьлык интыоссылы висъялозы

Вормисьёсты коньдон кузьымен пусъёзы. Валтӥсь премия 1 сюрс евро луоз, урал калыкъёслы 300 евро сётозы, 16 аресозь туспуктӥсьёслы – 200 евро. Со сяна, арама, вӧсь писпу, из, тымет, курбон, курбон ваён арамаослэн вӧсьсы, кылёсбур, шормуӵ но мукет темаосъя нимысьтыз премиос сётозы.

Вожвылъяськонэ ужъёсты 2020-тӥ арын 15-тӥ коньывуонозь чӧлсконпусъя кутозы. Туэ туспуктэмъёсты сяна, уже 5-90 секунд кыстӥськись видеоужъёсты но басьтозы. 

Тодэ вайытом, Удмуртиын калык эктонъя «Купанча» элькун вожвылъяськонэ куриськонъёсты кутыны кутскизы



Наверх
Вниз