Ижкар+17 °C
26 -тӥ куарусён 2020 Кӧснунал
18+

Урам кино фестиваль ортчоз Ижкарын шутэтскон нуналъёсы

  • 54
  • 0
Ижкар / Удмуртия
Урам кино фестиваль ортчоз Ижкарын шутэтскон нуналъёсы
Туспуктэм: Григорий Фомин

12-13 куарусёнэ Ижкарысь Киров нимо паркысь фан-зонаын росси режиссёръёслэсь тужгес усто вакчи фильмъёссэс возьматозы. Со сярысь Ижкар администрацилэн пресс-службаез ивортэ.

Программае эркын учкыны луонтэм 10 фильмъёс пыризы. Соос пӧлын Иван Петуховлэн «Подвиг» фильмез (16+) (шудӥзы Алексей Агранович но Дмитрий Лысенков, продюсерез Тимур Бекмамбетов) но Светлана Устиновалэн «Маруся» фильмез (6+) (шудӥзы Мария Поезжаева но Екатерина Варнава).

Фестивальлэн программаез:

12-тӥ куарусёнэ:

17 час 30 минутысен 20 часозь – конкурсэ пыриськись вакчи фильмъёсты возьматон.

13-тӥ куарусёнэ:

16 часысен 17 час 30 минутозь – азьло аръёсы потэм фильмъёсты возьматон;

17 час 30 минутысен 18 час 30 минутозь – ӧтем куноен лекторий;

18 час 30 минутысен 20 часозь – азьло аръёсы потэм фильмъёсты возьматон.

Учкисьёс конкурсэ пыриськись фильмъёс понна куаразэс сётыны быгатозы. Кельшись фильм понна соос фонарикен яке телефон экранэнызы югдытозы. Ужрадэз радъясьёс тыллэсь уровеньзэ мерталозы но Ижкарын куинь вормисьёсты шараялозы. Бӧрысь быдэс Россиысь куараосты огазеялозы но фестивалез ворсан ужрадын калык пӧлын вормисез пусъёзы.

Ватсан

Урам кино фестиваль 2014-тӥ арын Россиысь Дальней Востокын кылдӥз. Со дырысен ӵектос 40 сюрслэсь трос иськем ортчыса но миллионлэсь трос учкись люкаса, тужгес кыдёке кыстӥськем фестиваль-путешествие луиз но дунневыл рекорд пуктӥз.


Наверх
Вниз