Ижкар+17 °C
26 -тӥ куарусён 2020 Кӧснунал
18+

Журналистъёслы но блогеръёслы Удмуртилэн кунлыкезлы 100 ар тырмонлы сӥзем вожвылъяськон ялӥзы

  • 69
  • 0
Ижкар / Удмуртия
Журналистъёслы но блогеръёслы Удмуртилэн кунлыкезлы 100 ар тырмонлы сӥзем вожвылъяськон ялӥзы
Туспуктэм: Руслан Нуриахметов

Удмуртиын ивортодэт вӧлмытӥсьёслы но блогеръёслы элькунмылэн кунлыкезлы 100 ар тырмонлы сӥзем вожвылъяськон ялӥзы. Пыриськон понна 2019-тӥ арын 4-тӥ шуркынмонысен 2020-тӥ арын 20-тӥ коньывуонозь поттэм материалъёсты кутозы. Со сярысь элькун тӧролэн но кивалтэтлэн пресс-службазы ивортэ.

Печатьын, теле-, радиоэфирын, интернетын потэм ӟуч но удмурт кылын гожтэмъёсты 2020-тӥ арын 20-тӥ коньывуонозь басьтозы

Ужъёсты куать номинацияя учкозы:

  • «Открываем Удмуртию» (Удмуртилэсь туризм удысын луонлыкъёссэ, солэсь истори но лулчеберет аспӧртэмлыкъёссэ возьматӥсь материалъёс);
  • «Удмуртия меняется» (улосвыллэн туала социально-экономической азинсконэз сярысь материалъёс);
  • «Удмуртия – родина гениев» (тодмо улосчиосмылы сӥзем материалъёс);
  • «Удмуртия гордится!» (100 ар ӵоже экономика, тодос но лулчеберет удысъёсын вормонъёслы сӥзем материалъёс);
  • «Вперёд, Удмуртия!» (инновациослы, цифровизацилы, урбанистикалы сӥзем материалъёс);
  • «Удмуртия – часть глобального мира» (блогеръёслы номинация).

Вормисьёсты ивортодэт вӧлмытӥсь редакция, печатьын но теле-, радиоэфирын, интернетын ивортодэт вӧлмытӥсь журналистъёс но блогеръёс категориосъя быръёзы.

Ивортодэт вӧлмытӥсь редакция категориын вормись 150 сюрс манет басьтоз. Журналистъёс но блогеръёс – 20 сюрс манетысен 50 сюрс манетозь. Со сяна, вань вормисьёсты но призёръёсты дипломъёсын но синпель кузьымъёсын пусъёзы.

Вожвылъяськонлэн куронъёсыныз пыр-почгес чӧлсконпусъя тодматскыны луэ. 

Тодэ вайытом, озьы ик Удмуртиын элькунлэн кунлыкезлы 100 ар тырмонлы сӥзем «ДаУР!» квест мынэ



Наверх
Вниз