Ижкар+17 °C
26 -тӥ куарусён 2020 Кӧснунал
18+

Жуг-жаг куян интыосты быдтон ужъёс йылпумъясько Удмуртиын

  • 55
  • 0
Ижкар / Удмуртия
Жуг-жаг куян интыосты быдтон ужъёс йылпумъясько Удмуртиын
Туспуктэм: Руслан Нуриахметов

Удмуртиын жуг-жаг куян интыосты быдтон ужъёс йылпумъясько. Та дыре Россилэн азьмуртэныз Владимир Путинэн кичӧлтэм «Экология» йӧскалык ӵектос улсын Алнаш ёросысь куинь объектъёсын ужало. Со сярысь элькун тӧролэн но кивалтэтлэн пресс-службазы ивортэ.

Та дырлы Алнаш ёросын 2020-тӥ арын быдтыны чаклам укмыс жуг-жаг куян интыос пӧлысь куатьсэ утялтӥзы ини. Ужъёсты быдэстыны 4 миллион манет висъязы. Жаг куям интыосысь 680 тонналэсь трос куштӥськемъёсты поттозы.

2020-тӥ арын Удмуртиысь 15 муниципал кылдытэтъёслы жуг-жаг куяны чакламтэ 50 интыосты быдтон понна 37 миллион манетлэсь трос субсидиос сётэмын. Та дырлы со пӧлысь 40-лэсь тросэз утялтэмын ини. Субсидиослы луыса утялтэм жуг-жаг куян интыослэн быдӟалазы 30 гектарлэсь трос луоз, отысь оглом 6 сюрс 400 тонна куштӥськемъёсты поттозы
Денис Удалов, Удмуртиысь инкуазь узырлыкъёсъя но инкуазез утёнъя министр

Огез тужгес бадӟымез жаг куян инты Шаркан ёросысь Зюзино гурт дорын интыяськемын вал. Отысь 830 тонна куштӥськемъёсты поттӥзы. Со понна ньыль нунал но 32 рейс кулэ луиз. Кизнер ёросын жаг куян 20 интыосты быдтӥзы.

2020-тӥ ар кутсконлы элькунамы жаг куяны чакламтэ 408 интыос вал, соос пӧлысь 24-зэ бадӟымъёссэ тазатыны кулэ. Туэ 1-тӥ шуркынмонозь тазатон ужъёс Пичи Пурга ёросын йылпумъяськозы, 30-тӥ шуркынмонозь – Якшур-Бӧдья ёросын. Бӧрысь биологи люкетэз кутскоз.

«Экология» йӧскалык ӵектосэз улонэ пыӵатонлы луыса, 2019-тӥ арысен Удмуртиын жаг куяны чакламтэ интыослэн лыдзы кулэсме, вуж интыосты тазатонъя бадӟым уж мынэ. Али ми быгатӥськом ини вераны котырзэс жуг-жаглэсь утялӥсь муртъёслэн лыдзы арлы быдэ йылэ шуыса
Сергей Пермяков, Удмуртиысь Мер палатаысь экологияя, ЖКХ-я но интывылэз азинтонъя ӧрилэн тӧроезлэн воштӥсез

Тодэ вайытом, элькунамы жуг-жаг поттон понна дунъёс ӧз воштӥське



Наверх
Вниз