Ижкар+17 °C
26 -тӥ куарусён 2020 Кӧснунал
18+

80 куриськонъёс вуизы «Здоровое село» элькун вожвылъяськонэ Удмуртиын

  • 62
  • 0
Ижкар / Удмуртия
80 куриськонъёс вуизы «Здоровое село» элькун вожвылъяськонэ Удмуртиын
Туспуктэм: Удмуртиысь гурт возёсъя но сиён-юонъя министерстволэн пресс-службаез

Удмуртиын «Здоровое село» нырысетӥ элькун вожвылъяськонэ 80 куриськонъёс вуизы. Со сярысь элькунысь гурт возёсъя но сиён-юонъя министерстволэн пресс-службаез ивортӥз.

14-тӥ куарусёнэ Удмуртиысь кивалтэтлэн тӧроезлэн воштӥсез, элькунысь гурт воъёсъя но сиён-юонъя министр Ольга Абрамова кивалтэм улсын конкурс ӧрилэн нырысетӥ пумиськонэз ортчиз. Радъясьёс вуэм куриськонъёс пӧлысь быръем 59 ӵектосъёсын тодматӥзы. Азьланяз котькудзэ ӵектосэз 27 куронъёсъя эскерозы. Соос пӧлын гуртлэн мер улонэ пыриськемез (ёрос, элькун, росси ужрадъёсы пыриськемез), таза улонэз вӧлмытэмзы, предприятиосын гимнастика ортчытэмзы.

Вормисьёсты куинь группая быръёзы:

  • 4 сюрслэсь трос улӥсьем гурт;
  • 1 сюрсысен 4 сюрсозь улӥсьем;
  • 1 сюрсозь улӥсьем.

Тужгес трос куриськонъёс куинетӥ группае вуизы. Отын «Здоровье село» ним понна 27 гуртъёс нюръяськозы

Вожвылъяськонлэн кузьымъёсын фондэз 6 миллион манет луэ. Нырысетӥ группаын вормисьёс но призёръёс 1 миллион 500 сюрс манет, 900 сюрс манет но 600 сюрс манет басьтозы. Кыкетӥ группаын – 1 миллион манет, 600 сюрс манет но 400 сюрс манет. Куинетӥ группаын – 500 сюрс манет, 300 сюрс манет но 200 сюрс манет.

Пусъём, ӵектос гуртъёслэсь мерлыко улонзэс азинтон понна радъяське. Сое ортчытон понна элькун кивалтэт но пӧртэм мер огазеяськонъёс дурбасьтӥзы.

Ольга Абрамова улосвылысьтымы гуртъёслэсь таза улонэз азинтонъя тужгес усто амалъёссэс калыкен умоен лыдъям сяна, мукет гуртъёсын но пыӵатыны кулэ шуыса пусйиз.

«Здоровое село» вожвылъяськонын вормисьёсты 23-тӥ куарусёнэ шараялозы. Соосты Гурт возёс но сиён-юон поттон удысын ужасьёслэн нуналзылы сӥзем ужрадын пусъёзы. 



Наверх
Вниз