Ижкар-1 °C
22 -тӥ коньывуон 2020 Покчиарня
18+

Удмуртиысь вань каръёсын но ёросъёсын эстӥськон вакыт кутскиз

  • 97
  • 0
Ижкар / Удмуртия
Удмуртиысь вань каръёсын но ёросъёсын эстӥськон вакыт кутскиз
Туспуктэм: Руслан Нуриахметов

Удмуртиысь вань каръёсын но ёросъёсын эстӥськон вакыт кутскиз. Тросаз мерлыко объектъёсы шуныт вуэ ини. Со сярысь элькун кивалтэтлэн тӧроез Ярослав Семёнов вылэ чӧлскыса, улосвыл тӧролэн но кивалтэтлэн пресс-службазы ивортэ.

Тодэ вайыто, туэ сӥзьыл-тол вакытлы дасяськон понна 200 миллион манет висъямын вал. Валля арын но кылем арын та лыдпус 80 миллион манет но 100 миллион манет вал, соин ик коньдон ӧвӧл шуыса ӝожтӥськыны амал ӧвӧл
Ярослав Семёнов, Удмуртиысь кивалтэтлэн тӧроез

Удмуртиысь лэсьтӥськонъя, жилищно-коммунальной возёсъя но дыкужымъя министр Дмитрий Сурнин элькунмы эстӥськон вакытлы 99,8 процентлы дась шуыса ивортӥз.

Улосвыламы коммунальной возёсысь 263 объектъёсты выльдӥзы: шуныт вуттон сӧзнэтысь 129-сэ но ву вуттон сӧзнэтысь – 134-зэ.

15-тӥ шуркынмонозь Удмуртиысь ёросъёслы но каръёслы эстӥськон вакытлы дась луэмзы сярысь паспортъёс басьтыны кулэ

Вотка ёрослэн тӧроез Илья Прозоров Новый каргуртын вань мерлыко объектъёсы шуныт лэзизы шуыса ивортӥз. Озьы ик шуныт 30 трос улон интыем коркаос пӧлысь 16-яз вуэ ини. Кылемзэ 20-тӥ куарусёнэ эстыны кутскозы.

Дэри ёрослэн тӧроез Константин Русинов выль модульной котельнойзы ужаны дась шуыса вераз. Озьы ик вужзэ но толлы дасязы.

Ижкарын эстӥськон вакыт 14-тӥ куарусёнэ кутскиз. Карлэн тӧроезлэн Олег Бекмеметьевлэн верамезъя, 17-тӥ куарусёнлы шуныт 73 школаосы, 156 нылпи садъёсы но 30 эмъюртъёсы вуэ ини. Озьы ик кӧня ке трос улон интыем коркаос эстӥськыны кутскизы. 



Наверх
Вниз