Ижкар-1 °C
22 -тӥ коньывуон 2020 Покчиарня
18+

Ньыль кунъёс пыриськозы «Евразийские мосты дружбы» калыккуспо форуме

  • 91
  • 0
Ижкар / Удмуртия
Ньыль кунъёс пыриськозы «Евразийские мосты дружбы» калыккуспо форуме
Туспуктэм: Майя Бывальцева

8-9 коньывуонэ Калыкъёслэн эшъяськон юртъёссылэн но Россиысь Калыкъёслэн конгрессылэн «Евразийские мосты дружбы» нимо калыккуспо форумзы ортчоз. Ужрад онлайн амалэн радъяськоз. Отчы Узбекистан, Казахстан, Кыргызстан но Россия пыриськозы. Со сярысь Ижкарысь Калыкъёслэн эшъяськон юртсылэн пресс-службаез ивортэ.

Форум Удмуртилэн кунлыкезлы 100 ар тырмонлы сӥземын луоз

Конгрессэ интыысь аскивалтэт ёзэсъёсысь, йӧслыкъя но лулчеберетъя огазеяськонъёсысь ыстэм муртъёс, йӧскалык лулчеберетъя ценртъёсын, Россиысь, Узбекистанысь, Кыргызстанысь но Казахстанысь Калыкъёслэн эшъяськон юртъёсынызы кивалтӥсьёс пыриськыны быгато.

Конгресс лулчеберетъя но гуманитарной ужпумъёсъя валче ужанэз азинтон, калыкъёслэсь лулчеберет аспӧртэмлыксэс утён но азинтон бордын опытэн люкиськон, йӧскалык кусыпъёс удысын иннноваци но азинлыко технологиосты шараян понна ортчытӥське.

Конгресс улсын пленарной кенешон но панельной дискуссиос ортчозы. Соос улсын кун йӧскалык политика удысын тужгес усто ужан амалъёсын тодматозы. Озьы ик выльысь кылдытэм Россиысь калыкъёслэн юртсы, егитъёслэн яркыт йӧскалык ӵектосъёссы но мукетыз сярысь вераськозы.

Форуме кылзӥсь чотын но пыриськыны луэ. Озьы ик мылкыд карисьёс усто ужан амалэнызы но тодматыны быгатозы.

Форуме куриськонъёсты 2020-тӥ арын 5-тӥ коньывуонозь чӧлсконпусъя кутозы. 



Наверх
Вниз