21 -тӥ коньывуон 2020 Вирнунал
18+

Гуртын улӥсь нылкышноос понна туспуктэмъёсъя вожвылъяськон ялӥзы Удмуртиын

  • 95
  • 0
Ижкар / Удмуртия
Гуртын улӥсь нылкышноос понна туспуктэмъёсъя вожвылъяськон ялӥзы Удмуртиын
Туспуктэм: Руслан Нуриахметов

15-тӥ коньывуонэ «Удмурт нылкышно кенеш» гуртын улӥсь кышномуртъёс понна туспуктэмъёсъя «Нылкышно ке шуисько…» вожвылъяськон ялӥз. Со сярысь огазеяськонлэн «ВКонтакте» мерлыко вотэсысь огиназ ивортӥзы.

Вожвылъяськон кык номинациосъя мыноз:

- «Гуртын уж пӧзе»: ужан интыын, бакчаын, пудо-живот котырын яке мукет ужен вырон дыръя лэсьтэм туспуктэмъёс;

- «Ял кароме!»: шутэтсконлы, шулдыръяськонлы, инкуазе потамлы сӥзем туспуктэмъёс.

Али яке азьвыл лэсьтэм туспуктэмез 1-тӥ толсурозь «Вконтакте» яке «Инстаграм» мерлыко вотэсысь баме #нылкышнокешуисько но #удмуртнылкышнокенеш хештегъёсын поттыны кулэ.

Вожвылъяськонэ гуртын улӥсь вань кышномуртъёс пыриськыны быгато. Котькуд номинациын куинь вормись луоз. Устооссэ жюри быръёз. Нош кузьымъёсты гуртъёсын азинскись ужбергатӥсьёс дасяло ини!
вожвылъяськонэз радъясьёс

Сак луэ, туспуктэмъёсты жюри мед адӟоз шуыса, бамды вань адямиослы усьтэмын луыны кулэ.

Тодэ вайытом, Удмуртиын «Пужымо Байгурезь – кужым кузьмась гурезь» фотоконкурс азьланьтӥське



Наверх
Вниз