Ижкар+18 °C
9 -тӥ куартолэзь 2021 Воскресенье
18+

Татьяна Ишматова: 100 ар – со паськыт сюрес

  • 120
  • 0
Ижкар / Удмуртия
Татьяна Ишматова: 100 ар – со паськыт сюрес
Туспуктэм: видеоысь скриншот (ТРК «Удмуртия»)

4-тӥ шуркынмонэ Удмуртилэн кунлык басьтэмезлы 100 ар тырме. Удмурт калыклэн та бадӟым вормонэныз элькунамы улӥсьёсты Вань удмуртъёслэн «Удмурт Кенеш» огазеяськонзылэн тӧроез Татьяна Ишматова ӟечкылаз.

Татьяна Ишматовалэн Удмуртилэн кунлыкезлы 100 ар тырмонэн ӟечкыланэз


100 ар – со паськыт сюрес, со туж трос лэсьтэм ужъёс, трос адямиос, кудъёсыз ортчемын, кудъёсыз лэсьтэмын трос калыкмы понна, шаермы понна. Мон туннэ шумпотыса ӟечкыласько асьмедыз, асьмелэн таӵе нуналмы вань шуыса, асьмеос огазе шуыса, асьмелэн вань асьме Удмурт Элькунмы. Озьы ик сӥземе потэ котькудмылы, асьмеос данъяськыны мед быгатом асьме шаеренымы, асьме адямиосынымы, мед данъяськыны быгатом асьме вормонъёсынымы но. Котькуддылы капчи мылкыд, котькуддылы юн-юн тазалык, котькудды котьку мед шӧдоды асьтэлэсь выжыдэс, асьтэлэсь кужмо луэмдэс
Татьяна Ишматова, «Удмурт Кенеш» огазеяськонлэн тӧроез

Тодэ вайытом, 4-тӥ шуркынмонэ 12 но 19 часъёсын «Удмуртия» телеканалын Удмуртилэн кунлыкезлы 100 ар тырмонлы сӥзем «Республика – общее дело» концертэз (6+) возьматозы.



Наверх
Вниз