Ижкар-11 °C
4 -тӥ толсур 2020 Удмуртарня
18+

Удмуртиысь нимысьтыз ужпумъёсъя «Кречет» отрядысь ожчиос тылскем вылын перепеч пыжизы

  • 92
  • 0
Ижкар / Удмуртия
Удмуртиысь нимысьтыз ужпумъёсъя «Кречет» отрядысь ожчиос тылскем вылын перепеч пыжизы
Туспуктэм: видеоысь скриншот

Удмуртиысь нимысьтыз ужпумъёсъя (спецназ) «Кречет» отрядысь ожчиос нюлэскын тылскем вылын перепеч пыжизы. Рецепт Россиысь Кылкутытонъёсты быдэсъясь федерал ёзэслэн сиён-лэсьтонъя «Готовь как спецназ» книгаяз пыриз. Со сярысь удысэтлэн пресс-бюроез ивортӥз.

Бичет федерал ёзэслэн улосвыл ёзэтъёсаз нимысьтыз ужпумъёсъя ёзэтъёс кылдэм дырысен 30 ар тырмонлы сӥземын.

Нимысьтыз ужпумъёсъя ёзэтъёсысь ожчиос трос дырзэс гань-гань улонлэсь кыдёкын, полевой условиосын ортчыто. Но отын но соос улон-вылонзэс радъяны но ческыт пӧраны дышизы
книгаез дасясьёс

Котькуд ёзэт одӥг яратоно сиёнзэ дасяз. Валамонгес мед луоз шуыса, рецепт борды сиёнэн дасянэн видео ватсамын. Пӧрамъёс пӧлын йӧскалык но европейской сиёнъёс: сазанлэсь уха, лагман, хинкал, буузъёс, мангал-кебаб, шах-плов, локихейтто, шашлык но трос мукетыз.

Удмуртиысь ожчиос кык пӧртэм пушкесэн – сӥлен но губиен – перепеч дасязы.

«Кречетлэсь» удмурт перепеч


Юн ческыт перепеч луоз, губиен сиём перепеч али. <…> Юн ческыт перепеч нюлэскын лэсьтӥмы
«Кречет» отрядысь ожчи

Тодэ вайытом, Удмуртиысь укмыс сиён-юон поттӥсь брендъёс «Вкусы России» нырысетӥ йӧскалык вожвылъяськонэ пырисько



Наверх
Вниз